Accessibility links

Кайнар хәбәр

Başqortstan oppozitsiäse uramnarğa çığa


Rusiä Kommunistlar partiäseneñ Başqortstan bülege wäkilläre şimbä könne Ufada çirattağı uram cıyının oyıştıra. Härwaqıttağıça, Ufa şähäre xakimiäte binası aldındağı Lenin mäydanında oyıştırılaçaq bu qarşılıq çarasına berniçä meñ keşe cıyılır dip kötelä. Anda kommunistlar ğına tügel, ä respublikanıñ berläşkän oppozitsiäsenä kerüçe başqa oyışmalar häm partiälär äğzaları da qatnaşaçaq.



Başqortstan Kommunistlar partiäse başlığı Rinat Galiev äytüençä, uram cıyınında xakimiätlär öçen bik küñelle bulmağan sorawlar quyılaçaq. “Anda toraq-kommunal'' xucalığı xezmät kürsätüenä xaqlar artu da, sotsial''-könküreş ölkäsendäge başqa problemalar da kütäreläçäk, - di Rinat äfände. – Älbättä, qarşılıq çarasında säyäsi taläplär dä yañğırayaçaq. Ni öçen digändä, sotsial'' häm iqtisat ölkäsendäge kierenkeleklär xakimiätlärneñ buldıqsızlığınnan kilä. Başqortstan citäkçeläre dä respublikadağı küp kenä tupas xatalarnı cibärüdä ğayıple. Şuña kürä alarğa da bezneñ taläplär qatı bulaçaq”.



Şimbä könne Ufa üzägendäge qarşılıq çarası köndezge 12дә başlanaçaq. Anda başqa küp kenä oyışmalar belän bergä Başqortstan tatar cämäğätçelek oyışmaları berlegenä kerüçe tatar milli oyışmaları wäkilläre dä qatnaşırğa niätli.



Başqortstan oppozitsiä köçläreneñ yazğı uyanuı respublika xakimiätlären dä borçuğa saldı kebek kürenä. Respublikadağı räsmi xakimiätne yaqlawçı qayber partiälär häm milli oyışmalar citäkçeläre comğa könne Başqortstan xalqına urtaq möräcäğät qabul itte. Anda äytelüençä, Rusiädä soñğı waqıtta faşistik häm millätçel ruxtağı köçlär baş kütärä. Andıy küreneşlär Başqortstanda da küzätelä, dip äytelä bu belderüdä häm tanılğan eşquar häm tatar cämäğät eşleklese Ramil Bignov belän başqort milli xäräkäte oppozitsiäse wäkile Ayrat Dilmöxämätov citäkçelegendäge qayber köçlär Başqortstanda milli mäsälne quyırtıp kierenkelek tudırırğa omtıla, dip äytelä bu möräcäğättä. Älege belderügä “Rodina”, LDPR partiäläre, “Ural”

başkortxalıq üzäge, Marilarnıñ, yähüdlärneñ häm ukrainnarnıñ respublika milli üzäkläre wäkilläre qul quyğan.



Şuşı möräcäğätkä qarata fikerlären belderep, Ramil Bignov bolay dide. Sitata- Älege möräcäğätneñ eçtälege Başqortstannıñ Aq yortı türäläre tarafınnan yazılğanlığı kön kebek açıq. Alar üz tekstlarına üzlärenä buysınğan oyışmalar citäkçelärennän qul ğına quydırtqan. Ä inde faşistik häm millätçel ğämällärne Başqortstan xakimiätläre bıltır 16 aprel''däge çığışları belän kiresençä üzläre kürsätte. Şuña kürä dä min monı aq etneñ bäläsen qara etkä audaru dip kenä qarıym, - di Ramil Bignov.

XS
SM
MD
LG