Accessibility links

шимбә, 10 декабрь 2016, Казан вакыты 12:01

Fälästingä finas yärdäm tuqtatıldı


Europa komissiase Fälästin autonomiäsenä finans yärdämne tuqtatıp torırğa buldı.Düşämbedä Europa berlege illäreneñ tışqı eşlär ministrları, xäkimiätkä radikal “Xämäs” törkeme kilgännän soñ da yärdämne däwam itü xaqında, qarar qabul itärgä tieş.Europa berlege häm xalıqara cämäğätçelek “Xämäs”ne köç qullanudan tuqtarğa häm İzrailneñ yäşärgä xaqı buluın tanırğa çaqıra. “Xämäs” törkeme, Europa berlegeneñ tüläwlärne tuqtatıp toru qararın gäyepläde häm bu qarar ğädi xalıqqa qağılaçaq, bez Europa berlegen bu adımnan totqarlanıp torırğa çaqırabız, bu xäl fälästin xalqına kümäk cäza birüne añlata dip belderde törkem äğzäse Muşir Äl Masri.. Amerika Quşma Ştatları alğa taba da fälästinnärgä humanitar yärdäm kürsätergä äzer. Tik radikal “Xämäs” törkemenä tügel.Bu xaqta AQŞ däwlät departamentı wäkile Şon MaqKormaq bolay dide:“Bez üzebezneñ fond çaraları belän “Xämäs” xäkimiätenä teläktäşlek belderergä cıyınmıybız. Bezneñ terrorçılar belän eşebez yuq, bez terrorçılarğa aqça birmibez. Bezneñ bu qağıydä tulısı belän bu oçraqqa turı kilä.” häm däwlät sekretare Qondalíza Rays humanitar yärdämneñ turıdan turı fälästin xalqına tapşırılaçağın belergä tieş,”-dide Amerikanıñ däwlät departamentı wäkile häm bu yılda AQŞ fälästinnärgä BMO aşa 75 million dollar aqça biräçäk dip, azsızıqladı.

XS
SM
MD
LG