Accessibility links

җомга, 9 декабрь 2016, Казан вакыты 16:46

Bişkäktä cinäyätçelärne säyäsätkä kertmäwne taläp itälär


Qırğızstan başqalasında xökümätneñ qanun häm tärtip urnaştıruın taläp itep uramnarğa 2 meñgä yaqın keşe çıqtı. Cinäyätçelekne tuqtatıp, qanun xakimiäten buldırırğa çaqırğan şiğärlär yañğradı. Çığış yasawçılar räsmilärgä möräcäğät itep, säyäsätkä cinäyät qıluçılarnı kertmäskä çaqırdı. Şulay uq konstitusiä häm yustisiädä reformalar taläp itelde. Älege qarşılıq çarasın 20dän artıq säyäsi firqa häm xökümättän bäysez oyışmalar uzdırdı. Qırğızstannıñ yuğarı mäxkämäse qarşılıqlı eşquar Rısbek Akmatbayevqa yäkşämbe könne ütäçäk parlamentqa östämä saylawlarda qatnaşırğa röxsät birde. Başta anıñ deputatlıqqa namzät buluı tıyılğan ide. Ämma Akmatbayevnıñ tarafdarları moña riza bulmıyça, eşne yuğarı mäxkämä yulı belän üz faydalarına xäl itte.

XS
SM
MD
LG