Accessibility links

якшәмбе, 11 декабрь 2016, Казан вакыты 09:19

Ğiraqta Azatlıq köne bilgelänä


Bügen Ğiraqta Azatlıq köne bilgelänä. 3 yıl elek 2003neñ 9nçı aprilendä AQŞ ğäskärläreneñ Bağdadtağı Firdäüs mäydanında Säddäm Xösäin häykälen cimerüe belän ildä anıñ rejimı da cimelde. Ämma bügengä qädär Ğiraqta bäyräm xise yuq. Xalıq – köç qullanu, elektr energiäse yuqlığınnan, säyäsi buşlıqtan cafa çigä. AQŞnıñ Ğiraqtağı ilçese Zalmay Xälilzad häm AQŞnıñ Ğiraqtağı ğäskärläre başlığı general Geroge Casey, bügen, alğa kiteş zur, ämma eşlise eş tä küp äle, dip belderde. İñ zur awırlıqlarnıñ berse – mäsxäblär arasındağı kierenkelek. Bügen Ğiraq xökümäte, Mısır prezidentı Hösni Möbäräkneñ Ğiraqta watandaşlar suğışı başlanğan inde, digän süzlären kisken täñqitläp çıqtı. Premyer-ministr İbrahim al-Cäğfari, Möbäräkneñ bu süzläre törle din totqan Ğiraq xalqın häm xökümäten borçuğa saldı, dip belderde. Şimbä könne Äl-Arabiä televideniä kanalında Mısır prezidentı, Ğiraqta wazğiät qatlawlı, dip ileñ qayçan da bulsa berdäm däwlät bulaçağına şik beldergän ide.

XS
SM
MD
LG