Avstriäneñ İslam Cämğiäteneñ matbuğat wäkile Carla Äminä Bağacati, Azatlıq radiosına birgän äñgämäsendä, Yevropa däwlätlärendä möselmannarğa döres qaraş buldıruda imamnarnıñ role zur, dip belderde.
"Bügenge belderüdä äytelgänçä, integrasiä ul – añlatu häm söyläşü yulı belän kergän äyber. Näq imamnar bu tör fikerlärne möselman cämğiätlärenä citkerä ala."
3 kön däwamında Venada barğan cıyında möselmannarnıñ Yevropada integrasiäse, şul uq waqıtta mädäni häm dini üzençäleklären saqlap qalu yulları tikşerelde. Şulay uq köntärtibendä möselmannarnıñ cämğiättän ayırılıp yäşäwe, yäşlärneñ açu xisläre, Yevropadağı 33 millionğa yaqın möselman arasında radikal xäräkätlärneñ üsüe kebek mäsälälär dä bar ide.
Bağacati süzlärenä qarağanda, cıyında, möselman cämğiätendä xatın-qızlar xoquqları kebek çeterekle mäsälä dä qaralğan:
"Belderüdä namus cinäyätläre, häm ğömümän xatın-qızlarğa qarşı köç qullanu da telgä alınğan."
Oyıştıruçılar fikerençä xäzer möselman yulbaşçıları aldında zur ber problema tora,ul da bulsa – könbatışqa ğäräp illäre yäki Könyaq Aziädäge watannarınnan dinne kiterü tügel, ä biredä yäşi alğan yaña tör İslam dine tözü. Häm bu maqsatqa ireşüdä imamnarnıñ öleşe zur bulaçaq, şulay uq alar üzläre belän başqa sivilizasiälär arasında küper salaçaq, dide Buğacati.
"İmamnar möselmannarğa cämğiät tormışına qatnaşırğa, üzläre turında awaz salırğa yärdäm itä ala, qalıplaşqan qaraşnı cimerep, İslam turındağı qurqularnı beterä ala."
Venada uzğan konferensiägä 40 ildän 130 din ähele cıyılğan ide. Cıyında şulay uq Yevropa Komissiäse prezidentı Jose Manuel Barroso, Komissiäneñ tışqı mönäsäbätlär komissionerı Benita Ferrero-Waldner häm Avstriä kanslerı Wolfgang Schussel dä qatnaştı.
alsu qormaş
"Bügenge belderüdä äytelgänçä, integrasiä ul – añlatu häm söyläşü yulı belän kergän äyber. Näq imamnar bu tör fikerlärne möselman cämğiätlärenä citkerä ala."
3 kön däwamında Venada barğan cıyında möselmannarnıñ Yevropada integrasiäse, şul uq waqıtta mädäni häm dini üzençäleklären saqlap qalu yulları tikşerelde. Şulay uq köntärtibendä möselmannarnıñ cämğiättän ayırılıp yäşäwe, yäşlärneñ açu xisläre, Yevropadağı 33 millionğa yaqın möselman arasında radikal xäräkätlärneñ üsüe kebek mäsälälär dä bar ide.
Bağacati süzlärenä qarağanda, cıyında, möselman cämğiätendä xatın-qızlar xoquqları kebek çeterekle mäsälä dä qaralğan:
"Belderüdä namus cinäyätläre, häm ğömümän xatın-qızlarğa qarşı köç qullanu da telgä alınğan."
Oyıştıruçılar fikerençä xäzer möselman yulbaşçıları aldında zur ber problema tora,ul da bulsa – könbatışqa ğäräp illäre yäki Könyaq Aziädäge watannarınnan dinne kiterü tügel, ä biredä yäşi alğan yaña tör İslam dine tözü. Häm bu maqsatqa ireşüdä imamnarnıñ öleşe zur bulaçaq, şulay uq alar üzläre belän başqa sivilizasiälär arasında küper salaçaq, dide Buğacati.
"İmamnar möselmannarğa cämğiät tormışına qatnaşırğa, üzläre turında awaz salırğa yärdäm itä ala, qalıplaşqan qaraşnı cimerep, İslam turındağı qurqularnı beterä ala."
Venada uzğan konferensiägä 40 ildän 130 din ähele cıyılğan ide. Cıyında şulay uq Yevropa Komissiäse prezidentı Jose Manuel Barroso, Komissiäneñ tışqı mönäsäbätlär komissionerı Benita Ferrero-Waldner häm Avstriä kanslerı Wolfgang Schussel dä qatnaştı.
alsu qormaş