Üze citäklägän köçlärneñ saylawlarda ciñüen beldergän Romano Prodi ildä yaña xökümät tözergä äzer buluın äytte. Älegä bäyän itelgän mäğlümätlärdän kürengänçä, Prodi citäkçelegendäge urta-sul koalisia, İtalia parlamentınıñ tübän pulatında küpçelekkä iä bulaçaq. Senattağı deputatlarnıñ sanı tiräsendä älegä açıqlıq yuq. Qanun nigezendä ber genä bloq ta ike pulatta da küpçelek tawış almıy torıp, xökümät tözi almayaçaq.
