Accessibility links

дүшәмбе, 5 декабрь 2016, Казан вакыты 21:50

“İzvestiä Tatarstana” gäzitenä 15 yıl


Basmanıñ yubileenda bik küp qunaqlar, alar arasında - şähär häm rayon administratsiäse başlıqları, Däwlät Şurası deputatları, respublika cämğiät palatası äğzälärı, törle şirkät citäkçeläre bar ide. Alar yubilyar basmanıñ redaktorı Ayaz Xäsänov häm anıñ kollektivın uñışlı ğına eşläp kilüläre belän qotladı.

Elek isä “İzvestiä Tatarstana” iseme astında başqa ber gäzit çığa ide. Unbiş yıl elek alar isemnären üzgärttelär. Häm älege basma “Vremya i dengi” dip çığa başladı. Läkin izge urın buş tormıy. “İzvestiä Tatarstana” isemen monnan berniçä yıl elek başqa beräwlär aldı da häm bötenläy yaña gäzit çığara başladı. Xäzer “Vremya i dengi” dä, “İzvestiä Tatarstana”nı çığaruçı yana keşelär dä, “İzvestiä Tatarstana” brendına kem xuca ikene öçen tartqalaşa da. Ämma İzvestiä Tatarstana”nıñ baş möxärrir urınbasarı Rezeda Äxmätcanova bezneñ “Vremya i dengi” basması belän bernindi dä nizağ yuq dip belderde:

“Vremya i dengi” basması belän bezneñ bernindi dä nizağ yuq. Kemder bik yaxşı çığa torğan gäzitne önäp betermi.

1991 yılda açılıp, “İzvestiä Tatarstana” basması barlığı öç tapqır yabılğan bulğan. Yabılu säbäbe turında Rezeda Äxmätcanova bolay dide:

Yabılunıñ säbäbe ber genä - oyıştıruçılar alışındı. Äle inde basma öçençe tapqır açıldı häm ozaqqa bulsın! Çönki xäzer yaxşı kollektiv tuplandı häm gäzit bügen bik äybät xis itä.

“İzvestiä Tatarstana” gäzite kiñ dairä uquçıları öçen isäplängän. Älege basmanı studentlar da, uñışlı biznes eşen alıp barırğa teläwçelär dä uqı. Gäzitneñ üz populyar rubrikaları da bar - “Atna äñgämäse”, “Uñışlı bul”, “Mäñgelek xäzinä” häm başqalar. Gäzitneñ baş möxärrir urınbasarı däwam itä:

Bügen basma ğomumän başqa ruxta çığa. Gäzittä bügen barğan säyäsi waqiğalar, üzgäreşlär yaqtırtıla. Bu basma kemder öçen bik uñay da tügel, alay tiskäre dä tügel. Konfliktlarnı bik tirän öyränep, analizlap yaqtırta, cämğiätne borçığan här mäs'äläne dä iğtibarsız qaldırmasqa tırışa.

Al'bina Zäynulla

XS
SM
MD
LG