Accessibility links

шимбә, 10 декабрь 2016, Казан вакыты 06:07

Xalıqara cämäğätçelek Tährannıñ uran bayıtuına borçılu belderä


İran ğalimnäre urannı bayıtu ısulların tapqan häm ul eş däwam itä digän xäbärgä xalıqara cämäğätçelek kisken gäyepläw belderde. Germaniä İrannıñ bu ğämällären yalğış yünäleştä tağın ber adım dip, tirän borçıluın citkerde. AQŞ fikere dä şuñar oxşaşlı. Yewropa Berlege tirän ükeneç belderep, İrannıñ atom programması tiräsendäge wäzğiätne säyäsi yul belän cayğa salu östendä eşläwne däwam itäçäk dide. İzrail räsmiläre İran İzrailgä genä tügel, böten dönyağa yanıy dip, elek äytkän fikerlären qabatladı. Rusiä İrannı uran bayıtu eşlären tuqtatırğa çaqırdı. Rusiä tışqı eşlär minstrı Sergey Lavrov “Min sezgä dä xislärne quyırtmasqa kiñäş itär idem. Çönki İran berqayçan da atom qoralına iä bulırğa atlıqmadı. Kiresençä ul, iñ yuğarı dairälärdä atom energiäsen barı tik tınıç tormış maqsatlarında ğına üsterüen belderep kilde" dide.

XS
SM
MD
LG