Accessibility links

Кайнар хәбәр

Qazanda “Tatar qızı” bäygese uzdı


“Tatar qızı” bäygesendä berençe urınnı yaulağan qızğa 15 meñ sum aqçalata büläk qaralğan ide. Uqıtuçılarnıñ berniçä aylıq xezmät xaqı. Zamanalar üzgärde. Yäşlär üzläre dä zamannan artta qalmıy. Bäygedä qatnaşqan härkem ingliz telen belüe turında äytep kittelär. Londonda uqıp qaytuların assızıqladılar, çit teldä Romeo häm Djul'yettanı da yattan söylädelär. Menä bit ul xäzerge Tatar qızları nindi bula. Bu bäygegä nindi qızlar saylanuı turında Qazan şähäre mäğärif idäräseneñ baş belgeçe Räyxanä Bahawieva

Tatar telen belgän, tatar qızı sıyfatlarına iä bulırğa telägän qızlar qatnaştı monda. Bu bäyge şunıñ öçen oyıştırıla.

Bäyge üze berniçä öleştän tordı. Berençe bulıp qızlar üz-üzläre belän tanıştırırğa tieş ide.

Tanıştırular törle räweştä bardı. Kemder şığır räweşendä, kemder cırlap tanıştırdı.

Tatar qızlarınıñ belemnären dä tikşerdelär. G. Tuqay belän M. Cälil turında sorawlar birelde.

Tatar qızları monnan tış üzläreneñ cır-biyu, uyın qorallarında uynıy belü sälätlären kürsättelär. Räsemnärdän bilgele tatar şäxeslären tanırğa tieşlär ide. Şulay uq qızlar aş-suğa ostalıqların kürsättelär – öydä peşerep kilgän çäk-çäk, öçpoçmaqların täqdim ittelär.

Berençe urınnı, yäğni 15 meñne İdel buyı rayonı 19нчы gimnaziä uquçısı Gölnaz Nadrşina aldı, ikençe urınğa Waxit rayonı 18нче mäktäptän Töxvätullina İndira layıq buldı. Aña 11 meñ birelde.

Öçençe urın 6 meñ sum Yaña Savin rayonı 170 mäktäptän Alsu Säyfullinağa birelde.

Landış Xarrasova

XS
SM
MD
LG