Accessibility links

якшәмбе, 4 декабрь 2016, Казан вакыты 09:11

Tatarstan sportına närsä citmi?


“Azatlıq”nıñ çirattağı açıq mikrofonı Qazan xalqına “Tatarstan sportına närsä citmi?” – digän soraw birde. Student yeget: “Qışqı çañğı yarışları kebek küp keşe qatnaşa torğan çaralar kübräk bulsın ide. Sportqa mäxäbbätne yäştän tärbiälärgä kiräk!”- dip açıq mikrofonnı açıp cibärde. Urta yäşlärdäge apalar:“Xokkeyğa, futbolğa aqçanı qızğanmıylar, ä menä balalarğa iğtibarnı birmilär. Balalarnı sport tügäräklärenä yörter öçen genä dä küpme aqça kiräk, şularnı buşqa oyıştırıp bulmıy mikänni soñ?”- diep rizasızlıqların belderdelär. İr-atlar sportçılarnı million bäyägä çittän satıp alunı qabul itä almıylar. Alar fikerençä, bezneñ Tatarstannıñ üzendä dä menä digän itep uynawçılar bar ikän. Üzebezdäge yäşlärne üsterergä ide digän teläktä alar. Tatarstan xokkeyçıları arasında negr, başqa millät wäkilläreneñ buluları da ir-yegetlärne borçıy. Urta yäşlärdäge abıy şul negrlarnı million sumğa satıp alğançı mondağı xalıqqa aqça birsälär küpkä äybät bulır ide di. Şul uq abzıy sport yunäleşendä küpme aqçalarnı äräm itkännären kürä torıp niçek itep min tınıç küñel belän xokkey qarıy alam dip tä östäde. Ä ber xanımğa kiresençä xokkey bik oşıy, min “Aq bars” xokkey komandası öçen yanıp yöri ikän. Röstäm İsxaqi

XS
SM
MD
LG