Accessibility links

шимбә, 3 декабрь 2016, Казан вакыты 03:23

Tömändä “Milli küzätü” digän cıyıntıq basılıp çıqtı


Seber tatarlarınıñ “Yöräkkäyem tüzä almıy”, yäisä “Ülärteş awılı bäyete” berqayçan da yuğalmayaçaq. Milli mädäniätlär yortınıñ xezmätkäre, tatar xalıq awız icatın cıyuçı häm başqaruçı Älminur Patrşinada saqlanğan bu bäyet “Milli küzätü” isemle cıentıqta basılıp çıqtı.

“Wağay rayonında Ülärteş digän awıl bulğan. Minem babayım Sägadätdin ul awılğa qunaqqa bara torğan bulğan. Babayım şunnan öyränep qaytqan ul bäyetne. 1990 nçı yılda, min folklor belän nıqlap şöğellänä başlağaç, ätiem cırlap kürsätkän ide. Min anı yazıp aldım”,- dip söyli Älminur Patrşina.

Yaña çıqqan “Milli küzätü” kitabın qulına alğannar “Möxämmäd päygambärneñ nasımı” digän mönäcät belän dä tanışa alalar. Kitapnıñ avtorı, Milli mädäniätlär yortı başlığınıñ urınbasarı Sergey Fil: “Seber tatarları xalıq awız icatınıñ ürnäklären- Älminur Patrşina başqarğan bäyet häm mönäcätlärne iñ berençe bulıp bez bastırıp çığaruıbız belän ğorurlanabız”,- di.

Cıentıqqa Tömän ölkäsendä yäşäwçe barlıq millätlärneñ dä milli asılın yaqtırtqan mäqälälär, milli bäyräm ütkärü stenariyları, kiem tegü ürnäkläre, milli rizıq peşerü ısulları tuplanğan. “Sabantuy”, “Maslenitsa”, “Ürinä xötel”, yäisä “Qarğa köne” bäyrämnären ütkärü turında tükmi-çäçmi yazılğan. Qazax xalqınıñ milli kiemen tegäseñ kilsä, cıentıqnı açasıñ. Anda ürnäkläre bar. Cıentıq yärdäme belän ukrainnarnıñ çiä pilmänen dä peşerep qarıy alasıñ.

“Bu kitap, iñ berençe çiratta, milli çaralar ütkärü öçen törle çaralarnıñ milli tellärdä yazıluı belän qäderle häm şul uq waqıtta yazmalarnıñ urıs telendä birelüe belän dä qimmät”,- di Sergey Fil. Berençe cıentıq barlığı 500 danädä basılğan.

“Törle kiräkle yazmalar bik küp bulğanğa, 3 ayğa ber tapqır uquçılarnı söyenderep torırğa uylıybız. “Milli küzätü”neñ kiläse 2 nçe sanı yün ayında basılaçaq. Kitapxanälär, mädäniät yortları xezmätkärläre; uqıtuçılar; milli tormış belän qızıqsınuçı härkem öçen dä faydalı bulır dip uylıybız. Tömän ölkäsendä genä tügel, çit töbäklärgä dä taraluına ışanabız”,- di kitapnıñ avtorı Milli mädäniätlär yortı mödireneñ urınbasarı Sergey Fil.

Nail Alan, Tömän

XS
SM
MD
LG