Accessibility links

якшәмбе, 11 декабрь 2016, Казан вакыты 11:11

Tatarstan jurnalistları Dialog-Yevraziä oyışmasınıñ qorıltayında qatnaştı


Şuşı könnärdä genä Tatarstannan ber törkem ğalimnär, jurnalistlar Törkiädän qaytıp töşte. Alar Antalia şähärendä uzğan Dialog-Yevraziä oyışmasınıñ çirattağı qorıltayında qatnaştı.

Dialog-Yevrazie oyışması 1998 yılda İstanbulda yazuçılar häm jurnalistlar berlekläreneñ oçraşuları nigezendä buldırıla. Älege xalıqara oyışma Yevraziä töbägendäge xalıqlar häm illär arasındağı duslıqnı nığıtu, aralaşularnı kiñäytüne maqsat itep quya. Anıñ eşçänlegendä 21 il qatnaşa.

Tatarstan da Dialog-Yevraziäneñ bülekçäse eşläp kilä. Ul bu oyışmanıñ maqsatların üz itkän yazuçılar, jurnalistlar, ğalimnärne, cämäğät eşleklelären berläşterä. Şularnıñ berniçäse aprel başında Törkiäneñ Antalia şähärendä bulıp qayttı. Tatarstan delegatsiäsendä deputat Räzil Wäliev, ğalim Damir İsxaqov, jurnalistlar Rifat Fättäxov, Räşit Äxmätov, İlşat Säitov häm başqalar bar ide. Alar 6 apreldän 10snıa qädär Törkiädä uzğan Dialog-Evraziä oyışmasınıñ çirattağı qorıltayında qatnaştı.

Cıyılışnıñ eşçänlege, anda qaralğan mäs’älälär xaqında Azatlıq radiosınıñ qazan studiäsendä bez bügen Molodej Tatarstan gäciteneñ säyäsät bülege citäkçese İlşat Säitov belän söyläşäbez.

Bez barğan qorıltaynıñ töp teması – massaküläm mäğlümät çaralarınıñ Yevraziädäge role. Bezneñ delegatsiädä jurnalistlarnıñ küp buluı da şunıñ belän bäyle. Cıyılışta mäğlümät agentlıqları turında süz bardı. Monda ber qızıqlı täqdim dä yañğıradı – şuşı oyışmağa kergän illärneñ mäğlümät agentlıqlarınıñ berlegen buldıru. Şulay uq mäğlümätne birüdäge stereotiplar, alarnı niçek yuqqa çığaru turında da süz bardı. Tatarstan delegatsiäse wäkilläre dä şaqtıy qızıqlı çığışlar yasadı. Qorıltayda oyışmanıñ yaña citäkçese dä saylandı. Xäzer oyışmanı Rusiä Fännär akademiäseneñ könçığış fännäre institutı rektorı Rostislav Rıbakov citäkliäçäk

İlşat Säitovnı 6-10 aprel’ könnärendä Törkiädä uzğan Dialog-Yevraziä oyışmasınıñ qorıltayı xaqında söyläde.

Gölnaz İlgizär

XS
SM
MD
LG