Accessibility links

якшәмбе, 11 декабрь 2016, Казан вакыты 13:02

Omski üzeşçännäre Qazanğa bara


Omskinıñ “Umırzaya” tatar-başqort fol'klor xalıq ansamble Bötendönya tatar kongressı başqarma komitetı çaqıruı buyınça Qazanğa söyekle şağirebez Ğabdulla Tuqaynıñ 120 yıllığın bäyräm itü tantanasına barırğa äzerlänä. Älege çara qısalarında ansambl' Rusiäneñ törle regionnarınnan kilgän qunaqlar aldında konsert programması belän çığış ta yasayaçaq. Omski kollektivı Tatarstan başqalasına Seber yaqlarında yaratıp başqarıla torğan cırlardan häm iyüllärdän torğan fol'klor küreneşle programma alıp barırğa cıyına. Xäzerge köndä programmanı äzerläw inde tämamlanıp kilä. Eşlär uñışlı ğına bara kebek. Ämma kollektivnıñ çişelmägän problemaları äle bixisap. Häm alarnıñ iñ çetereklese – finans mäs’äläse. Bilgele ki, ansambl'dä şöğellänüçelärneñ küpçelege ölkän sıynıf uquçıları, studentlar. Alarnıñ barsı da xäzerge waqıtta şaqtıy zur summanı täşkil itkän yul çığımnarın tüli almıylar. Andıylarğa yärdäm ezläp ansambl'neñ citäkçese Ğafiä Aleewa törle instansiälärgä möräcäğät itep qaradı. Mädäniät ministrlığına, şähär başlığına, tatar millätennän bulğan deputatlarğa, eşmäkärlärgä, wazıyfalı tatarlarğa bulışuların sorap xatlar yulladı. Bu möräcäğätlärneñ näticäse turında Ğafiä Aleewa söyläde. Anıñ süzlärençä, tatar millätennän bulğan deputatlarğa, eşmäkärlärgä, wazıyfalı tatarlarğa, mäçetkä möräcäğät itülär bernindi dä näticä birmägän. Äytergä kiräk, finans problemasın çişüdä Ğafiä xanım yalğız tügel. Aña bu eştä tatar oyışmaları aktivistları yärdämgä kilde. Alar barsı bergä törle yullar belän finans qıtlığınnan çığu ğämälen ezlilär.

“Umırzaya” ansamble yaña programma äzerläw belän mäşğül' bulsa da, şähärdä uzdırılğan ğomümçaralarda qatnaşırğa da waqıt taba. Şulay, kollektiv bu könnärdä genä ölkä filarmoniäseneñ zur konsertlar zalında Duşa Rossii” festivale qısalarında ütkärelgän konsertta cırlı-biyülle fol'klor küreneş belän çığış yasadı.

Tara şähärendä eşläp kilüçe tatar oyışmaları da soñğı waqıtta eşlären aktivlaştırdılar, dip äytergä mömkin. Berniçä ay ğına elek alar Başqortstan sänğät'kärlären qabul itkännär ide, ä şuşı könnärdä genä Tatarstannan kilgän artistlar belän oçraştılar. Taranıñ tatar mädäniät üzäge qarşında eşläwçe “Nur” ansamble dä şähär xalqı öçen törle mädäni çaralar ütkärep tora – konsertlar quya, bäyrämnär oyıştıra. Küptän tügel genä kollektiv ütkärgän

“Näwrüz” bäyrämenä tatarlar ğına tügel, başqa millät xalıqları da kilgän idelär. Aldağı şimbä-yakşämbe könnärendä “Nur” ansamble şähärneñ başqa kollektivları belän berlektä “

Duşa Rossii” festivaleneñ Omskida ütkäreläçäk “Tara rayonı könnäre”ndä qatnaşaçaq.

Rozaliä Sayganova, Omski.

XS
SM
MD
LG