Accessibility links

шимбә, 10 декабрь 2016, Казан вакыты 00:14

Tatar mäktäplären başqortlaştıru däwam itä


Ufada şimbä könne ütäçäk cıyında törle töbäklärdän kilgän tatar milli oyışmaları wäkilläre tatar balaların ana telendä uqıtu problemalarına qağılışlı küp sorawlarnı da kütäräçäk. Başqortstanda da tatar balaların tuğan teldä uqıtu probleması yıldan-yıl kiskenläşä bara. Küp kenä tatar mäktäplärendä xäzer tatar tele urının başqort tele däresläre yaulıy. Saf tatar rayonnarında da başqort telen däwlät tele bularaq uqıtu turında BR Mäğärif ministrlığı färmanı çıqqannan soñ, bu eş tağın da kiñräk cäyelderelä başladı. Dürtöyle, Kuşnarenko, Yañawıl, Çaqmağış, Baqalı kebek tatar rayonnarında bügennän ük inde başqort telen uqıtu mä’säläsen Başqortstan Mäğärif ministrlığı türäläre üzläreneñ qatı kontrole astına aldı.



Äle Ufada Başqortstanda tellär turında qanunnı tormışqa aşıru komissiäseneñ çirattağı utırışı bulıp ütte. Şunda Dürtöyle belän Yañawıl rayonnarı xakimiätläre başlıqları häm mäğärif idäräläre mödirläre üzlärendä başqort telen uqıtuğa bäyle xisap tottı. Yartı yıl elek bu rayonnar türäläre üz töbäklärendä başqort telen uqıtuğa iğtibar birmägännäre öçen, Ufadağı şundıy uq kiñäşmädä utlı tabağa bastırılğan ide inde. Xäzer alar üzlärendä xälneñ uñay yaqqa üzgärgänlege, yäğni mäsälän tatar mäktäplärendä başqortça uqıtu kiñräk külämdä cäyelderelüe turında maqtanıp söyläde. “Kiläçäktä bezdäge tatar mäktäplärendä başqortça uqıtu iñ yuğarı däräcägä quyılaçaq”, - dip ışandırdı alar.



Kiñäşmädä çığış yasağan Dürtöyle rayonı xaкimiäteneñ mäğärif idaräse mödire Ramil Vahapov mäğlümatlarına kürä, Dürtöyle rayonınnan 30 uqıtuçı älege waqıtta Başqortstan uqıtuçılar belemen kamilläşterü institutında başqort tele uqıtuçıları buluğa maxsuslaşa. Alar moñarçı rayonda tatar telen uqıtqan. “Şuña östäp rayonnan 5 talip, barısı da tatar yegetläre häm qızları, bügenge köndä Ufadağı yuğarı uqu yortlarınıñ başqort filologiäse büleklärendä belem ala, di Vahapov äfände, - alar da Dürtöylegä qaytıp başqort telen uqıtaçaq”.



Başqortstandağı tatar mäktäplärendä başqort telen uqıtuğa küçerüne respublikadağı tatar milli oyışmaları mäcbüriläp uqıtu, dip sanıy. Başqort tele däwlät tele statusına iä, şuña kürä dä tatar balaları da başqort telen uqırğa tieş, digän taläp tatar balalarınıñ üz ana tellärendä belem alu xoquqın boza, dip belderä alar. Bu xaqta Başqortstan Tatar kongressınıñ Dürtöyle rayonı bülege citäkçese Vener Fättaxov fikerläre.

Vener Fättaxov: “Dürtöyledä başqortlaştıru däwam itä. Bezneñ rayon türäläre östän quşılğan ikän – yöz protsent urınına 120 protsent itep ütäp quya. Min başqortça uqıtuğa qarşı da bulmas idem. Ämma ul köçläp kertelergä tieş tügel bit. İxtıär buyınça bulırğa tieş, di

Başqortstan Tatar kongressınıñ Dürtöyle rayonı bülege citäkçese Vener Fättaxov.

XS
SM
MD
LG