Görcestan üz şäräplären yañadan tikşertergä äzer, tik tikşerülär bäysez laboratoriadä ütärgä tieş dip sanıy. Bu xaqta, Mäskäwdä jurnalistlar belän oçraşqan Görcestannıñ awıl xucalığı ministrı Mixail Svimonişwili belderde. Ul, Mäskäwgä, Rusiäneñ baş sanitar tabibı Gennadiy Onişçenko belän oçraşırğa maxsus kilüen bilgeläde, läkin oçraşu kilep çıqmadı, dip belderde. Mart axırında Rusiä, Görcestan häm Moldovadan sanitar normalarğa turı kilmi dip, şäräplär kertüne tıydı.
