Accessibility links

чәршәмбе, 7 декабрь 2016, Казан вакыты 15:45

Damir Şakirov: Yaxşı eçtäşlekle kitaplar kiräk


Kibetlärdäge kitapnıñ küplegennän küzlär qamaşa. Nindie genä yuq. Tatarstanda 90нчы yıllar başına qädär Tatarstan kitap näşriäte ğına kitap çığaru belän şöğellänep kilde. Xäzer näşriätlärnıñ da sanı arttı. Läkin kitaplar kübäygän sayın, alarnı uquçılar azaya. Televizor, internet zamanı kilde. Kitapqa iğtibar kimüdänme bıyıl Qazanda Kitap bäyräme dä uzdırırğa bulğannar. Ul 23 aprel' könne G. Qamal teatrında uzaçaq. Bu xaqta matbuğat oçraşuında äytelde.

Tatarstan kitap näşriäte uzğan yıl 142 isemdäge kitap çığarğan. Bıyıl tatar şağirlären iskä alu yözennän şaqtıy ğına kitaplar çığardı. Musa Cälilneñ 5 öleştän torğan kitapları, Gabdulla Tuqaynıñ isä 2 öleştän torğan saylanma äsärläre, Äkiätlär kitabı basıldı. Läkin alarğa ixtıyac barmı soñ. Tatarstan kitap näşriäte citäkçese Damir Şakirov

Xäzer bötenläy yaña buın tıñlawçı kilde. Alarğa Tuqay, Cälilne niçek täqdim itärgä, niçek qızıqsınu uyatırğa tieşbez. Menä monı ğalimnärgä uylarğa kiräk.

Bizäleşe yağınnan kitaplarnıñ sıyfatı yaxşırsa da, eçtälege kiresençä şaqtıy aqsıy ikän. Kitap uquçılarnıñ kimüe bälki şunıñ belän dä bäyleder. Tatarstan kitap näşriäte baş möxärrire Xarras Äyup

Bügenge könneñ problemaların taswirlap yazğan yazuçılar barmaq belän genä sanarlıq. Bu xaqta uylarğa kiräk yazuçığa.

Damir Şakirov

Yaxşı eçtäşlekle kitaplar kiräk. Bez dä, xökümät tä yärdämçe rolen genä üti alabız.

Soñğı waqıtta Tatarstan kitap näşriätında Rusiä töbäkläre belän elemtälär şaqtıy artqan. Çiläbe, Tömän ölkäse, Başqortstandağı tatar yazuçılarınıñ kitapların çığaru eşe alıp barıla. Yış qına Tatarstan kitap näşriäte millättäşlärebezne tatar kitapları belän tanıştıru öçen kürgäzmälär oyıştıra töbäklärdä. Damir Şakirov

Berniçä yıl elek yazuçılar belän Samaranıñ Tol'yatti şähärendä bulğanda tatar kitabına bulğan mönäsäbät bezne ber dä söyendermägän ide, menä qabat mart ayında bulıp bezne şaqqattırdı kitapqa qaraş. Xätta Tatarstanda da mondıy ajiotaj yuq.

Tatarstan kitap näşriäte citäkçese Damir Şakirov Samarağa bulğan säfäre turında söyläde.

Landış Xarrasova

XS
SM
MD
LG