Accessibility links

дүшәмбе, 5 декабрь 2016, Казан вакыты 13:36

Qazaxstan Milli İminlek Komitetı terrorçılarnıñ ezenä töşkän


Qazaxstannıñ Milli İminlek Komitetı ildä terror ğämälen kisätüe turında belderde. Bu xaqta xalıqara terrorğa qarşı köräş bülege wäkile Sergei Minenkov çärşämbe könne xäbär itte. Anıñ süzlärenä qarağanda, terror ğämäle çit ildän planlaştırılğan bulğan. İminlek köçläre, anı oyıştıruçılarnıñ Qırğızstandağı säyäsi tärräqiätkä qatnaşı buluı turında xäbär itä. Bu belderü oppozisiädä borçılu tudırdı.

Qayberäwlär Minenkovnıñ bu belderüen – Qazaxstan prezidentı Nursoltan Nazarbayevqa Milli İminlek Komitetınıñ yaxşı eşen kürsätü bularaq bäyäläde. Annan ber kön aldan, 18 april könne Nazarbayev, ildä iminlekne nığıtırğa çaqırıp çığış yasağan ide.

Minenkov süzlärenä qarağanda, 10 keşe qulğa alınğan, radikal dini eşçänlekkä çaqırğan kitaplar, tasmalar häm qoral tabılğan. Şulay uq Almatıda, potensial xädäflärgä höcüm itergä öyrätkän çit illärdän kilgän xatlar tabılğan:

"Höcüm iter öçen keşelär küp cıyılğan urınnar häm infrastruktura qorılmaları täqdim itelgän bulğan."

Tabılğan qäğäzlär arasında şulay uq şartlatqıçlar yasarğa öyrätü häm höcüm bulası urınnarnıñ xaritaları bulğan. Minenkov tögäl qaysı törkem turında süz barğanın äytmäde, barı tik küptän tügel mäxkämä aldına basqan Üzäk Aziädäge Camaat Möcahetdin wäkillären iskä aldı.

Anıñ, terrorçılar çeltäre oppozisiä belän elemtädä torğan digän süzläre xäzerge xakimiätkä oppozisiädä torğannarnı borçuğa saldı.

Minenkov oppozisiädäge ber genä törkem yä xäräkätne atap äytmäsä dä, "Ğadel Qazaxstan öçen" digän xäräkät äğzaläre iminlek komitetı wäkileneñ süzlären – oppozisiäne terrorçılar belän bäyläw tırışlığı dip bäyäläde.

"Ğadel Qazaxstan öçen" xärkäte wäkile Serikbai Alibaev, mondıy näticä yasarğa cirlek yuq, dip Milli İminlek Komitetın tikşerergä çaqırdı:

"Oppozisiäne ğäyepläw – nigezsez. Bezneñ qanunnar häm konstitusiä nigezendä xoquq saqlawçılar komitetqa qarşı cinäyät eşe açıp tikşerü başlarğa tieş. Alar konstitusiäne bozğanı öçen mäxkämä aldına basırğa tieş."

Xäräkätneñ başqa ber wäkile Zaureş Battalova, Milli İminlek Komitetı räsmilärneñ kürsätmälären üti, dip belderde:

"Milli İminlek Komitetı – räsmilär quşqannı üti. Alarğa çınnan da xalıqnı qayğırtuçılarğa yala yağırğa quşılğan."

Zaureş Battalova Milli İminlek Komitetına üz ğäyepläwlären belderde. Ul küptän tügel ike oppozisiä citäkçeseneñ üterelüen iskä aldı. Şulay uq komitetnıñ maxsus Arıstan bülege ofiserlarınıñ qulğa alınuınınn soñ komitetnıñ elekke başlığı Nurtai Dutbayevnıñ fivral ayında urınınan kitüen xäterlätte:

"Milli İminlek Komitetı üze xökemgä tartılırğa tieş. Alar üz ğämälläre öçen cawap totırğa tieş. Arıstan bülege eşe, Altınbek Sarsenbayev häm Zamanbek Nurkadilov ülemnäre öçen. Dutbayevnıñ eşennän kitüe belän genä mäsälä çişelmi."

Qazaxstanda moñarçı da terrorda şiklänelep keşelär qulğa alına ide. Ämma elek bu qulğa alular Rusiä yä Üzbäkstan üteneçe nigezendä bula ide. Minenkovnıñ, terrorçılarnıñ Qazaxstannıñ üzendä buluı häm terror ğämälläre äzerläwe turındağı belderüe – qazaxlar öçen yaña borçulı çornıñ başlanuına işärä bulıp tora.

Ägär dä qıtay üzendä amerikan şirkätlärenä monda qıtay şirkätlärenä bulğan qädär ireklek birsä – bezneñ säwdä xezmättäşlege tağın da nığıyaçaq. Bez Qıtaynıñ pensiä reformasın, üz bazarın amerikan satuçıları häm xezmät kürsätüçelärenä açuın xuplıybız.

alsu qormaş
XS
SM
MD
LG