Yılízaweta ikençe bügenge tuğan könen ul tuğannarı, yaqınnarı arasında ütkärä. Räsmi tantanalar Böyekbirtaniädä yün ayında bulaçaq.
Bügen irtä belän 80 yäşlek patşabikä xörmätenä 21 tuptan salyut yasaldı. Annan soñ Yılízaweta ikençe. anı qotlarğa kilgän meñnärçä keşelär yanına çığıp, Windzor utarı buylap yörep kergän. Kiç belän patşabikä ğailäse bäyräm aşına cıyılaçaq. Patşabikä tuğan könenä 20 meñ räsemle qotlaw xatı häm 17 meñ elektron xat alğan. Yılízaweta ikençe başqa Europa patşalarınnan ayırmalı bularaq iñ ozaq patşalıq itkän monarxlardan. Ul täxetkä 1952 yılda mengän ide.
