Amerikan küzläv oyışması räsmiläre Bin Ladenneñ tauışı dip raslağan audio tasma Yäkşämbe könne Al Jazeerada tapşırıldı. Bu bin Ladenneñ bu yıldağı ikençe belderüe bulıp tora häm Al Qaeda citäkçeseneñ vaqiğälärneñ barışın küzätä digän täsir qaldıru öçen yasalğandır. Bin Laden Ğäräp häm İslam dönyasında debatlarğa säbäp bulğan qayber mäsälälärne kütärep çıqqan. Alar arasında Muhammed Päygämbär turında karikaturlar häm Sudannıñ Darfur regionındağı krizis ta bar. Bin Laden yaqınça öç ay elekke belderendä Al Qaeda belän Könbatış arasında añlaşu mömkinlege bar dip işarä itkän ide. Bu märtäbä anıñ belderüe suğışçan ruxtaraq. Bin Laden soñğı täräqqiät Könbatışnıñ İslamğa qarşı suğış alıp baruın kürsätä digän. Anıñ süzlärençä, Yevropa häm Amerikanıñ Fälästin cirlärendä saylaularda ciñep çıqqan Hamasğa ekonomik boykotı möselmannarğa qarşı sionist-xaclı suğışı bulıp tora.
"Saylaularda ciñep çıqqan Hamas xäräkäten kire qağu xaclı suğışı bulıp tora häm Şeyx Auman Al-Zawahri raslağanıça dinsezlär berläşmäsenä quşılunıñ gönax buluın kürsätä. Alarnıñ Hamasnı kire qağuları möselmannarğa qarşı xaclı-sionist suğış alıp baruların raslıy."
Bin Ladenneñ süzlärençä, Al Qaeda Könbatış xökümät räsmiläre belän vatandaşları arasında ber nindi dä ayırma yuq häm alar höcüm obyektı bulıp toralar digän qaraşta. Bin Laden berençe märtäbä Sudandağı konfliktnı telgä alğan. Sudan xökümäte Cancawid dip atalğan Ğäräp suğışçıların cirle qara Afrikan xalqına qarşı qullanuda ğäyeplänä. Xartum monı kire qağa. BMOsı İminlek şurasınıñ qayber ağzaları, şul sanda AQŞ häm Britaniä anda xalıqara tınıçlıq saqlau köçlären cibärergä çaqırdılar. Bin laden bu yat köçläreneñ ber İslam ilen okupatsiäläv tırışlığı bulıp tora dip beldergän häm üz taraftarların Sudanğa barıp suğışırğa çaqırğan. Sudan çit il tınıçlıq köçläre ideasna qarşı çıqsa da, ul şulay uq Bin Ladenneñ tuğannarça yaqlauın da kire qaqtı. Tışqı eşlär ministere Camal Muhammed İbrahim Sudan xalıqara cämağätçelekkä qarşı mucahidlärneñ yardäme belän yäisä nindider suğış alıp barunı küz aldında totmıy dip belderde. Bin Ladenneñ soñğı tasması AQŞta da politik debatlarğa säbäp buldı. Oppozitsiädäge demokratlar Buş administratsiäseneñ tışqı säyäsäten yañadan tänqitlädelär. Alar Bin Ladenneñ älegäçä totılmauına AQŞnıñ Ğıraq belän mäşğul buluı säbäp bulıp tora dip belderälär. Bin Laden Afğanistan-Pakistan çigendäge taularda yäşerenä dip farazlana.
Färit İdelle, Praga.
"Saylaularda ciñep çıqqan Hamas xäräkäten kire qağu xaclı suğışı bulıp tora häm Şeyx Auman Al-Zawahri raslağanıça dinsezlär berläşmäsenä quşılunıñ gönax buluın kürsätä. Alarnıñ Hamasnı kire qağuları möselmannarğa qarşı xaclı-sionist suğış alıp baruların raslıy."
Bin Ladenneñ süzlärençä, Al Qaeda Könbatış xökümät räsmiläre belän vatandaşları arasında ber nindi dä ayırma yuq häm alar höcüm obyektı bulıp toralar digän qaraşta. Bin Laden berençe märtäbä Sudandağı konfliktnı telgä alğan. Sudan xökümäte Cancawid dip atalğan Ğäräp suğışçıların cirle qara Afrikan xalqına qarşı qullanuda ğäyeplänä. Xartum monı kire qağa. BMOsı İminlek şurasınıñ qayber ağzaları, şul sanda AQŞ häm Britaniä anda xalıqara tınıçlıq saqlau köçlären cibärergä çaqırdılar. Bin laden bu yat köçläreneñ ber İslam ilen okupatsiäläv tırışlığı bulıp tora dip beldergän häm üz taraftarların Sudanğa barıp suğışırğa çaqırğan. Sudan çit il tınıçlıq köçläre ideasna qarşı çıqsa da, ul şulay uq Bin Ladenneñ tuğannarça yaqlauın da kire qaqtı. Tışqı eşlär ministere Camal Muhammed İbrahim Sudan xalıqara cämağätçelekkä qarşı mucahidlärneñ yardäme belän yäisä nindider suğış alıp barunı küz aldında totmıy dip belderde. Bin Ladenneñ soñğı tasması AQŞta da politik debatlarğa säbäp buldı. Oppozitsiädäge demokratlar Buş administratsiäseneñ tışqı säyäsäten yañadan tänqitlädelär. Alar Bin Ladenneñ älegäçä totılmauına AQŞnıñ Ğıraq belän mäşğul buluı säbäp bulıp tora dip belderälär. Bin Laden Afğanistan-Pakistan çigendäge taularda yäşerenä dip farazlana.
Färit İdelle, Praga.