Accessibility links

сишәмбе, 6 декабрь 2016, Казан вакыты 22:54

Tuqay tuuğa 120 yıl tulu uñayınnan Xalıqara fänni-ğamäli konferensiä uzdı


Tuqaynıñ tuğan köne yıraqlaşqan sayın, ul bezgä yaqınaya ğına bara. Tatarstan fännär akademiäse citäkçese Äxmät Mazgarov düşämbe könne uzğan Xalıqara konferensiä açılışında şulay dip bilgeläp uzdı. Añlaşıla, bu könnärdä G.Tuqaynıñ 120 yıllığına bağışlanğan çaralar küp uza. Ämma alar arasında bu konferensiä ber başqa östenräk tora. Bu xaqta çit häm BDB illärennän - Şveytsariä, Qazaqstan, Qırğızstan, Rusiä töbäklärennän ğalimnärneñ kilüe söyli.

Mäsälän Qazaqstan respublikası Ural''sk şähärennän pedagogika fännäre doktorı, Ural''skidağı tatar cämğıäte citäkçese Razzaq Äbüzärov konferensiägä ber köngä genä waqıt tabıp kilgän äytte. Çönki tizdän üzlärendä G. Tuqay muzeyen açaçaqlar ikän. Anda Rusiä, Qazaqstan häm Tatarstan prezidentları da qatnaşırğa tieş bulğan. Bu xaqta Razzaq Äbüzärov

May ayında prezidentlar qatnaşırğa tieş ide. Läkin alar sentäberdä kiläçäklär. Bez may urtasında açaçaqbız. Tatarstan häm Qazaqstan prezidentları, eşmäkärlär yärdäm itte. Xalıq aqça cıydı.

Qazaqstannıñ Ural''skidağı tatar cämğiäte citäkçese Razzaq Äbüzärov buldı.

Konferensiä şunıñ belän üzençälekle, monda ütkän eşlär tügel, ä aldağı köndä torğan burıçlar turında söylände. TR Premyer-ministrı urınbasarı – mädäniät ministrı Zilä Wäliewa konferensiädä qatnaşuçılarnı sälämläp, Tuqay ensiklopediäsen buldıru buyınça eş alıp barırğa kiräklegen äytte. Zilä Wälieva

1980нче yıllarda Nil Yuziev häm Äbrär Kärimullin Tuqay ensiklopediäse mäs’äläsen kütärep çıqtılar. Ämma bu eşne başlaw mömkinlege TR Fännär akademiäse barlıqqa kilgäç kenä tudı. Mäsälän, Lermontov ensiklopediäse 18 yıl eşlände. Ägär Tuqay ensiklopediäsen eşläwne aktivlaştıyrmasak soñğa qaluıbız mömkin. Sezdän täqdimnär kötep qalabız.

Köz köne G. Tuqayğa bağışlanğan tantanalı çaralar Mäskäwdä uzaçaq. Sankt-Peterburgta häykäl häm istälek taqtasın açu küzdä totıla. Ä 25 aprel'' könne isä Arça rayonı Qırlay awılında qunaqlar Tuqay muzeyenıñ yañartılğan ekspozitsiäse belän tanışa alaçaq. Bolar konferensiä barışında äytelde.

Akademik Mirqasıym Ğosmanov tatarlar bulğan här cirdä Tuqayğa bağışlanğan çaralar uza dide. Mäsälän Tuqaynıñ qayçandır balalarğa dip yazılğan “Tuğan tel” şiğere inde böten tatarlarnıñ gimnına äylände.

Konferensiädä qatnaşuçılar tantanalı açılıştan soñ berniçä bülekkä - seksiälärgä bülenep eşlädelär - alarda Tuqay şiğerlären törle tellärgä tärcemä itü, törle cirlärdäge Tuqay muzeyları arasında elemtälärne nığıtu, şağir icatın öyränüneñ yaña törläre turında söyläşülär bardı. Ämma iñ möhime – Tuqay mirasınıñ öyränelep betmägänlegenä basım yasaldı. Kiläçäktä ğalimnärneñ bu ölkädä eşlise eşläre äle baytaq dielde.

Landış Xarrasova

XS
SM
MD
LG