Bügen Tulada, Çernobıl faciğäsı yıllığı aldınnan, ”Rusiäneñ Çernobıl berlege” oyışması äğzäläre - 55 keşe - möddätsez açlıq iğlan itte. Bu oyışmanıñ Tula ölkäse bülege citäkçese Vladimir Naumov, Çernobıl atom elektr stansiasendä qaza waqıtında eşläwçelärdän härbersenä, soñğı 6 yıl eçendä 300 meñnän ber million rublgä qädär aqçanı tülämädelär dip belderde. Bu xäl çernobılçelärgä minimäl xezmät xaqı koeffitsientınıñ artıp baruı qullanılmaw belän añlatıla. Bu könnärdä Peterburda da 7 çernobılçe açlıq iglan itkän.
