Accessibility links

якшәмбе, 11 декабрь 2016, Казан вакыты 09:19

Tatarstanda miherbanlılıq atnası uza


Yaz küñelne şäfqät'kä, nazğa etärä, xislär uyata torğan ay. Bu könnärdä respublikada “Yazğı miherbanlılıq atnası” dip atalğan акція bara. Ul 28 aprel'gä qädär däwam itäçäk. Bu irekle акція, anda qatnaşu mäcbüri tügel, ämma şäfqät, märxämätkä omtıluçı här keşe keçkenä genä bulsa da, yaxşılıq eşli, başqalarnı söyenderä ala.

Sotsial' yaqlaw ministrlığı initsiativası belän “Miherbanlılıq atnası” Tatarstanda bıyıl 3nçe tapqır oyıştırıla. Bu atnalıqta ğädättä küplär qatnaşa. Uzğan yıllarda 50 meñnän artıq keşe älege çaralarda qatnaşıp, yärdäm kürsätkän, dip belderde sotsial' yaqlaw ministrınıñ yärdämçese Ence Minhacewa. Bıyılğı atnalıq barışında sotsial' yaqtan yärdämgä moxtac xalıqqa yärdäm kürsätü, ixtıäri xäräkätkä xökümät häm cämäğätçelekneñ iğtibarın arttıru kötelä. Şul uñaydan atnanıñ här könenä dä törle tematik isemnär quşılğan.

22 aprel', mäsälän, Bötendönya cir köne bulğan. Bu könne sotsial' uçastoklar çistartılğan. Ä bügen, yäğni sişämbedä - Açıq yöräklär köne. Qartlar yortında yäşäwçelär, invalidlar bu könne iğtibar üzägendä. Monnan tış İgelek häm duslıq köne, balaçaq köne, sälämätlek häm räxmät könnäre dä ütkärelä. “Miherbanlılıq atnası” xaqında sotsial' yaqlaw ministrınıñ yärdämçese Ence Minhacewa söyli

Bu atnada här rayonda, här sotsial' yaqlaw bülegendä çaralar ütkärelä. Xalıqara cir könendä küp kenä keşe ölkännär yanına barıp, öyen cıyıştırırğa, cir qazırğa yärdäm itte. Balalar könendä här rayonda xäyriä aksyalär uzdırıldı. Bu könne az keremle ğailälärgä, invalid balalarğa yärdäm itärgä tırıştılar, matur-matur konsertlar da kürsätelde.

Sotsial' yaqlanmağan keşelärgä yärdäm itärgä tırışıp qarasalar da, alarnı borçığan, räncetkän xäbärlär bulıp tora. Qazan türäläre invalid balalar mäktäben yabarğa cıyına. Eş şunda, älege mäktäp munitsipal' oyışmadan däwlätnekenä küçerelä. Ä sotsial' yaqlaw ministrlığı citäkçeläre ber ük oyışmada balalarnı däwalaw häm uqıtu mömkin tügel dip sanıy. Ä bit Qazandağı bu mäktäp Rusiädä berdänber. Qatlawlı awırular belän intekkän balalar, invalid balalar ğädäti mäktäplärdä uqı almıy, bilgele. Zorge uramında urnaşqan bu mäktäp yäğni reabilitatsiä üzäge isä älege balalar öçen normal' belem alu häm tormışta üz urının tabu yulı bulıp tordı.

Al'bina Zäynulla

XS
SM
MD
LG