Accessibility links

шимбә, 3 декабрь 2016, Казан вакыты 05:39

Europa Berlege qatı borçılu beldermäde


Rusiä şirkäte “Transneft”neñ Europağa nefte satunı çikläw turındağı niätläre belän bäyle räweştä, Europa berlege qatı borçılu beldermäde.“Transneft” başlığı Semen Waynştoq, Rusiäneñ Europa qullanuçılarına kirägennän artıq nefte ozatu, anıñ bäyäsen töşerügä kiterä dip belderde. Waynştoq, Qıtayğa torba ütkärgeçen tözü niätlärenän soñ, “Transneft» üzeneñ ber öleş neftesen bu ilgä sata ala dip, bilgeläde. Uzğan atnda şundıy uq belderüne ikençe ber Rusiä şirkäte, “Ğazprom” da beldergän ide. Bu belderülärgä cawap itep, Europa komissiase wäkile Ferran Espuni bolay dide: “Bazar mönäsäbätlärendä satuçı da , aluçı da üz ğämällärendä irekle. Ägär alar şulay telilär ikän, ul alarnıñ eşe” dide Ferran Espuni. Şul uq waqıtta ul, rusiä şirkätläre üz östenä alğan burıçların ütär digän ışanıçın da belderde.

XS
SM
MD
LG