Accessibility links

якшәмбе, 4 декабрь 2016, Казан вакыты 11:16

Damir Möxetdinov: Möselmannarğa berläşergä kiräk


Konferensiä açılışında möfti Ğosman İsxaqi, tarix isntitutı citäkçese Rafail Xäkimov, tatar kongressı räise Rinat Zakirov qatnaşırğa tieş bulsa da, berse dä kilmägän ide. Ğomumän berniçä ğalim, çit töbäklärdän kilgän qunaqlar häm studentlar ğına qatnaştı konferensiädä. TR Ministrlar Kabinetı qarşındağı din eşläre berlege räise Rinat Näbiev konferensiäne açıp cibärde. Ul Märcäni mäçeteneñ yubileyen uzdırırğa kiräklegen äytte, şulay uq üzläreneñ Berlekläre tarafınnan tolerantlıq, din häm mäğärifkä bağışlanğan kitap basılıp çığuın assızıqladı. Rinat Näbiev

İldä soñğı waqıtta tiskäre küreneşlär yışaydı. Ksenofobiä dip atala. Tögäl räweştä eşne aktivlaştırırğa kiräk. Söyläşülär alıp baru zarur. İmmunitet buldırırğa kiräk

Şulay uq Xösäin Fäizxanov isemendäge Tübän Novgorod islam institutı rektorı Damir Möxetdinov

Sarıqlar bürene kürgäç ber cıyına cıyınalar. Bezdä möselmannar bülengän. Şuña bezdän berni soramıylar – telilär pravoslav mädäniäten kertälär, telilär başqasın eşlilär.. Berläşergä kiräk. Fiker, qäläm cihatı bulırğa tieş.

Ğomumän Tatarstannan çittän kilüçelärneñ çığışları şaqtıy eçtälekle buldı. Konferensiädä Orenburg, Qasıym, Tübän Novgorod şähärläre mäçet mäxälläläre tarixları turında söylände. Alma Ata şähärendäge tatar bistäseneñ Fatıyma mäçete baş imamı Waxat İbrahimov

Ätiemneñ ätise 18 ğasırda Yawız İvannıñ çuqındıruınnan qaçıp Qıtay cirenä kitkännär. Babaylarnıñ kendek cirenä kilüemä quanam. Bez Qazaxstanda yäşägängä telebez beraz üzgärgän dä. Mäçetkä keşelär küp yöri, ayıruça yäşlär.

Waxat İbrahimov konferensiädä Fatıyma mäçeteneñ 2001 yılda açılınuın äytte. Xäzer millättäşlärebez anda tatar, ğäräp tellären, Qor'än ayätläre öyränälär ikän. Yäkşämbe mäktäplärendä tatar cır-biyuenä öyrätü kursları eşläwen assızıqladı.

Landış Xarrasova

XS
SM
MD
LG