“Forbs” jurnalı Rusiädäge iñ bay yöz keşeneñ reytingın basqan ide. Anda respublika Prezidentı ulı Ural Räximovnıñ 1 milliard 100 million Amerika dolları külämendä baylıqqa iä bulıp 42 nçe urında toruı äytelgän ide. Anı “Komsomol'sqa pravda” gäziteneñ Başqortstan quşımtası da basıp çığardı. Anda isemlektä 42 nçe urında Arul Räximov tora dielgän.
Ural Räximov citäklägän “Başqort kapitalı” xoldingı aprel' başında 6 neft' eşkärtü zavodlarınıñ qimmätle käğäzlären dürt xäyriä fondına satqan ide. Ul fondlar “Ağidel-İnvest” isemle cawaplılığı çiklängän şirkätkä tuplanğan. Bu turıda “Rosbalt” mäğlümat agentlığı xäbär itte. Anda älege şirkät artında Ural Räximov toruı farazlana.
