Accessibility links

якшәмбе, 11 декабрь 2016, Казан вакыты 15:02

Tatarça söyläşü kiräkme?


“Azatlıq”nıñ çirattağı açıq mikrofonı Gabdulla Tuqay tuğan könne başqala xalqına “Sez tatarça söyläşäsezme?” – digän soraw birde. Qazan xalqınıñ yäşe- qartınıñ tatarlarğa oşağannarı kübese “Bez ğailädä dä, duslarıbız arasında da gel tatarça söyläşäbez” – dip cawap birdelär. Tatarça belmägännäre “Min tatarça belmim!” – diep kitep bardılar. Ber tatar yegete “Yäş tatarlarğa tatarlıq citep betmi, şuña da alar ike telne quşıp, butap söyläşälär. Bu tärbiädän kiläder möğayın. Çönki tärbiä xäzer bik nıq artqa tägäri başladı!” – dide. Ä ölkänräk yäştäge apalar telne naçar belüne ğöref-ğadätlärne, yolalarnı belmäwdä kürälär. Açıq mikrofonğa söylägän qayber tatar yegetläre ” İsänmesez!, Sabulığız!” süzlären genä belälär. Awıldan şähärgä torırğa kilgän abzıy-apalar: “Bez bit çığışıbız belän awıldan, şuña kürä tatar tele ul bezneñ töp belgän telebez” – dip cawap qaytardılar. Urta yäşlärdäge ir-yeget äytkänçä:“ Xoday quşsa, tatarça belüçe aktiv keşelär küp bulsa, passiv keşelär alar barıber aktiv keşelärgä tartılaçaq häm milli canlığa äylänäçäk.” Röstäm İsxaqi

XS
SM
MD
LG