Accessibility links

җомга, 9 декабрь 2016, Казан вакыты 01:09

Tuqayğa bağışlanğan tantanalı kiçä ütte


Çärşämbe kiç Ğ.Tuqaynıñ istälegenä bağışlanğan tantanalı kiçä Musa Cälil isemendäge opera häm balet teatrında uzdı. Monda Rusiä häm çit illärdän bik küp qunaqlar, kürenekle yazuçılar, şağirlär, mädäniät häm sänğät ähelläre qatnaştı.

Tatarstan Prezidentı üzeneñ yartı säğätlek çığışında şağirneñ awır tormış kiçerüe, ämma härwaqıt üzen xalıqnıñ ber öleşe, milläteneñ kiläçäge öçen cawaplı itep toyuı, anıñ icatı xäzer dä aktual' buluı turında söyläde.

“Tuqay üzeneñ publitsistik icatında tatar xalqınıñ üseş programmasın yazıp qaldırğan. Anda Rossiä irekle häm berdäm il bularaq üseşkä, tatarlar belän ruslarnıñ üzara tınıç, dus yäşärgä, şul uq waqıtta tatar xalqınıñ uqımışlı, belemle bulıp milli tamırların saqlap qalırğa tieşlege añlatılğan", - dide prezident. Rusiäneñ Kinematografiä häm mädäniät xezmäte citäkçese Mixail Şvıydkoy isä üz çiratında süz alğaç, iñ berençe Rossiä Prezidentı Vladimir Putinnıñ tatarstanlılarnı Ğabdulla Tuqay tuğan köne belän täbrikläwen uqıdı. Mäskäw qunağı respublikada milli mädäniät häm sänğätkä zur iğtibar birelüenä şatlığın belderde. Tuqay bezgä dus-tatu yäşärgä häm här xalıq üzeneñ tarixın, milli mädäniäten belergä tieş dip wasıyät äytep qaldırdı. Tatar xalqı Tuqay belän ğorurlanırğa tieş. Ul dönyanıñ böyek şağire", - dide Mixail Şvıydkoy.

"TÖREKSOY" oyışması citäkçeseneñ urınbasarı Mostafa Balçik isä üzeneñ çığışında bıyıl iyün ayında Törkiäneñ İstanbul şähärendä Ğ.Tuqayğa bağışlanğan zur bäyräm uzaçağın bilgeläp ütte.

Räsmi zatlarnıñ täbrikläwlärennän soñ anıñ şiğerlärennän häm äsärlärenä icat itelgän cırlardan torğan muzıkal - ädäbi çığışlar belän däwam itte. Monda Tatarstan ähellärennän tış, xätta teatr häm kino yoldızları ataqlı kinoakter Vasiliy Lanovoy, Çulpan Xammatova Tuqay şiğerlären uqıdı.

XS
SM
MD
LG