Accessibility links

шимбә, 3 декабрь 2016, Казан вакыты 07:34

Tuqay bäyräme Tömändä dä uzdı


26 nçı aprel'dä Böyek şağir Ğabdulla Tuqaynıñ tuuına 120 yıl tulğan könne Tömändä Tatarstan däwlät cır häm biü ansamble çığış yasadı. Tuqay isemendäge däwlät premiäsen yörtkän törkemneñ çığışın Tömän däwlät filarmoniäse binasında meñnän artıq keşe qaradı. Cır häm biü ansambleneñ Tömängä berençe säfärläre genä tügel. Bu yulı alar çığışlarınıñ berençe öleşendä 1000 yıllıqqa bağışlap äzerlängän “Qazan turında xikäyäläw” dip isemlängän tamaşanı, ä ikençe öleştä “Awlaq öy”ne kürsättelär.

Konsertnı yomğaqlap Tatarstan däwlät cır häm biü ansamble “Tuğan tel” cırın başqarğanda zaldağı barlıq tamaşaçı da ayägürä basıp cırğa quşıldı. Pärdä yabılğaç ansambl'neñ sänğät citäkçese Ayrat Xämitov belän äñgämä qordıq.

Ul: “Tatar xalqı şulqädär sibelgän bit. Tuqaynıñ tuğan könendä Qazanda bulırğa tieş kebek. Ämma çittä yäşäwçelär dä bu bäyräm ruxın toyarğa tieş dip kildek. Bu yaña programmanı Tömän Rusiä şähärläre arasınnan 4 nçe bulıp kürä, şunıñ belän mondağı tamaşaçı bik bäxetle dä...”,- dide.

Bu qädär yıraq yulğa çığıp yuğarı sänğät belän qalalarda yäşi almağannar da tanışsın dip cır häm biü ansamble Tobol şähärenä barışlıy Yärkäw rayon üzägendä çığış yasadı. Uzğan kilülärendä isä alar Yalutr häm Tübäntäwdedä bulğan idelär. Alda alarnı Toboldan soñ Tübänwarta kötä.

Nail Alan, Tömän

XS
SM
MD
LG