Peterburda «Yabloqo» partiase äğzäse, cirle şura deputatı Andrey Borísovqa höcüm yasalğan. Ul başına tigän ike yädrä yarası belän awır xäldä xastaxänägä salınğan. Borísov Peterburda, Vasilevskiy utrawında qanunsız tözeleşkä qatğıy qarşı çıqqan keşe bularaq bilgele. Ul utrawda «Lukoil» şirkäteneñ maşínalarğa benzin salu stansası tözeleşenä qarşı çığış yasağan ide.