Urlaşular ğäyepläwe belän 7 yılğa xökem itelgän «Yuqos- Moskwa» şirkäte yüristı Swetlana Baxmina advokatları, xökem qararına şikayät belderep, Mäskäw şähär mäxkämäsenä möräcäğät ittelär. Advokat Olğä Kozıreva süzlärenä qarağanda, yaqlaw, xökem qararın nigezsez dip sanıy, cinayät dip äyterlek närsä bulmağanğa, xökem qararın ğämäldän çığarunı taläp itä. 19 äpreldä mäxkämä Baxminanı finans xärämläşülärdä gäyepli dip taptı. Añar «Tomskiyneft» şirkäteneñ 8 milliard rubl' aqçasın üzläşterü häm salımnar tülämäw gäyebe belderelgän ide.
