Accessibility links

шимбә, 3 декабрь 2016, Казан вакыты 22:42

Salawat şähärendä Tuqay bäyräme ütte


Başqortstanda Ğabdulla Tuqaynıñ tuuına 120 yıl tuluğa bağışlanğan mädäni çaralar däwam itä. Şundıy bäyrämnärneñ çirattağısı comğa könne Salawat şähärendä dä ütte. Tuqay bäyrämenä äzerlekne häm anı ütkärüne Başqortstan Tatar kongressınıñ Salawat şähäre bülege üz östenä aldı. Älege bülekneñ räise, şähärdäge bilgele eşquar Äsğat' Kormanaev 11 sanlı mäktäptä oyıştırılğan bäyrämne tulısınça üze finansladı.



11 sanlı mäktäptä ütkän Tuqay bäyrämendä şähärdäge tağın sigez mäktäptä tatar telen häm ädäbiäten öyränüçe yözgä yaqın bala häm alarnıñ uqıtuçıları da qatnaştı häm konsert nomerları belän çığış yasadı. Şuşı bäyräm xaqında anı oyıştıruçı Äsğat' Kormanaev menä nilär söyläde.

Kormanaev – Bezneñ Tuqay bäyräme şähärebezneñ 11 sanlı urta mäktäbendä ütte. Bu mäktäpne bez kiläçäktä tatar gimnaziäse itep üzgärtergä telibez. Andağı älege bäyrämgä şulay uq şähärdäge mäktäplärdä tatar telen öyränüçe başqa balalar da kilde. Bäyräm bik matur ütte. Konsert nomerlarında ölkännär dä qatnaştı.



Başqortstannıñ Salawat şähärendä ütkän Tuqay bäyräme xaqında andağı Tatar kongressı bülege räise Äsğat' Kormanaev söyläde.



Başqortstanda Ğabdulla Tuqaynıñ oluğ yubileyına bağışlanğan töp çara Ufada 4 may könne ütäçäk. Başqortstan däwlät filarmoniäsendä Başqortstan Yazuçılar berlegeneñ tatar yazuçıları berläşmäse äğzaları tantanalı kiçä ütkärä. Anda Qazannan da qunaqlar kiläçäk.

Fänis Fätxi, Ufa.

XS
SM
MD
LG