Accessibility links

якшәмбе, 11 декабрь 2016, Казан вакыты 15:05

Oppozitsionerlar safı işäyä


26 aprildä ber törkem başqort zıyalısı matbuğat konferensiäse ütkärep yaña oppozitsion başqort xäräkäte tözelüe turında iğlan itte. May urtalarında bu xäräkätneñ oyıştıru qorıltayın ütkärü planlaştırılğan. Oyıştıru komitetı räise, Başqortstannıñ Yäşlär eşe buyınça komitetınıñ elekke citäkçese Rämil Xisametdinov yaña oyışmanıñ iñ berençe maqsatı bulıp Başqortstannıñ ğämäli prezidentı Mortaza Räximovnı urınınnan töşerü tora, dide. Ramil äfände fikerençä, Başqortstanda ike genä däwlät tele bulırğa tieş – urıs häm başqort telläre. Şul uq waqıtta ul tatar telenä törle “preferensiälär” birelergä tieş dide, ul terminnıñ mäğnäsen bik açıp tormıyça ğına. Yaña oyışma wäkile başqort telen mäktäplärgä köçläp tağuğa kisken qarşı ikänlegen belderde. Monıñ işe ğämällär başqort telenä näfrät kenä uyata, respublikada millätara kierenkelek tudıra dip isäpli Rämil Xisametdinov.

Kärim Yawış, Ufa.

XS
SM
MD
LG