Accessibility links

якшәмбе, 11 декабрь 2016, Казан вакыты 09:05

Zindanğa utırtular da başlandı


29 apreldä Ufanıñ Kirov rayonı mäxqämäse oppozitsion “Провинциальные вести” gäziteneñ oyıştıruçısı häm baş möxärrire Viktor Şmakovnı tikşerülär betep mäxqämä utırışları başlanğançığa qädär ike ayğa iregennän mäxrüm itü turında qarar çığardı. Viktor Şmakovnıñ xatını Lyudmila xanım “Azatlıq” xäbärçesenä telefon aşa şıltıratıp, 28 apreldä kiçen, Ufa waqıtı belän 21 säğat 30 minutta öylärenä FSB xezmätkärläre kilep iren qulğa aluların xäbär itte.

29 apreldä ütkän mäxqämä utırışında mäxqämäçe Bulatowa, ägär Şmaqov irektä qalsa, anıñ tikşerü öçen kiräkle doqumentlarnı yuq itüe ixtimal, dip Şmaqovnı ike ayğa zindanğa utırtu turında qarar çığardı.

İsegezgä töşeräbez: Viktor Şmakov başqort oppozitsionerı Ayrat Dilmöxämätov belän berlektä “Провинциальные вести” gäzitenä quşımta räweşendä “Площадь восстания” ("İnqilab mäydanı") digän gäzit çığara başlağan ide. Anıñ bitlärendä Başqortstan prezidentı Mortaza Räximov häm anıñ ulı Ural törle cinayätlär qıluda, respubliknıñ yağulıq-energetika kompleksın üz kesälärenä saluda, millätara kierenkelek tudıruda ğäeplände, Mortaza Räximovnıñ kiçekmästän urınınnan alınırğa tieşlege turında çañ qağıldı. 27 apreldä ütärgä tieşle miting aldınnan 150 meñlek tiraj belän näşer qılınğan “Площадь восстания” sanındağı berniçä yazmağa xoquq saqlaw orğannarı ayırım iğtibar itkän bulıp çıqtı.

Xoquq saqlaw orğannarınnan alınğan mäğlümatlarğa qarağanda, FSB xezmätkärläreneñ 27 apreldä, miting ütäse könne, Başqortstannıñ berläşkän oppozitsise liderların qulğa alıp soraw alular başlawına häm alarnıñ ofislarında, öylärendä tentülär ütkärülärenä formäl säbäp bulıp, näq, taratılıp betmägän “Площадь восстания” gäziten ezläw torğan.

Kärim Yawış, Ufa

XS
SM
MD
LG