Yañaraq qına Şanxayda Peterburg könnäre uzdı. Aña qädär Şanxay eşquarları berniçä tapqır Peterburgta bulıp kitkännär ide.
Ber yıllap inde fontannar şähäre Petergofta tözeläçäk “Baltıyk encese” toraq kompleksı turında söyläşülär alıp barıla.
21 ğasır şähäre Petergof “mini Şanxaena” bezdä qaraş törle .
Petr patşa nigez salğan 18 yöz şähäre belän yänäşä keşe aqılına sıya häm sıymıy torğan uñaylıqları bulğan zamança şähär çınlap ta Baltıyk diñgezeneñ encesenä äylänäçäk, di beräwlär. “Sazlıqta neboskreblar tözü — axmaqlıqnıñ çige”, -dip qarşı çığa ikençelär. Xalıq ni genä uylasa da, şähär xakimiäte inde “Çayn-tawn” — Qıtay şähärçege tözergä qarar çığarğan, kileşülär tözelgän, tizdän qıtaylar Fin qultığında eş tä başlayaçaqlar.
Ä inde Şanxaydağı Peterburg könnärendä bezdän 270 keşelek zur delegatsiä qatnaştı. Şähär başlıqları, xärbi orkestr, balalar futbol komandası, balet artistları belän bergä avtoritetlı eşquarlar da buldı. Şularnıñ ikese bezneñ millättäşlärebez — “Bötendönya tatar kongressı” başqarma komitetı äğzası Şamil Akbulatov , “Metallokonstruksiä” zavodı direktorlar sovetı häm “Delovaya Rossiä” ictimaği oyışması äğzası Rinat Mähdiev. Rinat Mähdiewnıñ Qıtayğa bu berençe genä baruı tügel. Rusiä prezidentınıñ Qıtayğa räsmi vizitı waqıtında ğı delegatsiä sostavına Rinat Mähdiev ta kertelgän ide..Berençedän ul şaqtıy uñışlı eşquarlarnıñ berse, ikençedän anıñ zavodı citeştergän konstruksiälär “Baltıyk encese” tözeleşendä dä qullanılaçaqlar.
Bez Rinat Mähdievtan Şanxaydağı Peterburg könnäre turındağı tä'soratları belän urtaqlaşuın soradıq ( audio:Qıtayda anı Tatarstandağı kebek iksez-çiksez qırlarda tügel, ä uç töbe qädär genä basularda şul çaqlı xalıqnı tuyındırırlıq döge üsterüläre, 10-15 yıl eçendä zamannı da uzıp kitkän şähär tözi aluları ğäcäpkä qaldırğan .Rinat Mähdiev qıtaylarnıñ Petergofta ürnäk qala tözi alularına ışanıçı zur: “Şanxaynıñ da urını sazlıqlıraq, şulay bulğaç alarnıñ täcribäse bar inde”,- di Rinat Mähdiev)
Gölzadä Kamalova, Sankt-Peterburg