Accessibility links

дүшәмбе, 5 декабрь 2016, Казан вакыты 19:46

Fäwziä Bäyrämova: Başqortostanğa tiz arada yärdäm kiräk


Başqortstandağı waqiğalar turında, älegä qädär saran xäbärlär genä kilä. Mäğlümat bik az. Tatarstandağı zıyalılar, Ufadağı oppozitsion xäräkätlär belän bulğan waqiğalarnı barı tik Azatlıqtan ğına işetep bula. Monnan tış, Kommerstan gäzite ber yazma bastırdı. Älbättä, internetta yazmalar kürengäli. Tatartsan räsmiläre bu waqiğalarğa qarata saq häm bitaraf qarıy. Şulay da, tatar tormışı belän qızıqsınıp baruçı zıyalılar, törle çığanaqlardan yañalıqlar ezli. Mäğlümat az bulu säbäple qarşılıqlı fikerlär belderälär. Bu fikerlärgä soñraq tuqtalırbız. Läkin, başta waqiğanıñ qısqaça tarixın iskä töşerep ütik. Ufada 27 aprel'dä, berläşkän oppozitsiä köçläre, sotsial' problemalar mäs’äläse uñayınnan mitingqa çığarğa tieş ide. Läkin, Berläşkän oppozitsiä liderları FSB kebek köç orğannarı tarafınnan qulğa alındı. Alardan säğätlär buyı soraw alu buldı. Şuşı liderlarnıñ berse Viktor Şmakov haman da saq asıtnda qala birä. Oppozitsiä mitingta taratırğa dip äzerlägän gäzitlär dä tartıp alındı. Lozunglar şulay uq tıyıldı. Ä ul lozunglar arasında, Ufada, Ramil Bignov tözi başlağan Tatar gimnaziäsen tözüne däwam itterü taläbe dä bar ide. Ramil Bignov, Başqortstan milli-mädäni avtonomiäse räise. Oppozitsiädäge lider, tatar milli oyışmaları isemennän eş yörtä. Ramil Bignov ta, şuşı könne qulğa alındı. Şulay itep, oppozitsiäneñ qarşılıq çarası tuqtatıldı. Älbättä, oppozitsiä sotsial' mäs’älälär kütärep çıqqan bulsa da bu protest çarasına, anda tatar milli oyışmalarınıñ da taläpläre, ä alar milli mäs’älälärgä qağıla, şulay uq bar ide. Bu qulğa alularnı yazuçı- ğalim, keşe xoquqların yaqlawçı Fäwziä Bäyrämova da küzätep bara. Menä ul bu xaqta ni uylıy.

Аudio

Sez yazuçı- ğalim, keşe xoquqların yaqlawçı Fäwziä Bäyrämova fikerlären işettegez.

Ä menä Başqortstanda tuıp üskän ğalim häm publitsist Mäxmüt Äxmätcanov fikerençä, Başqortstan tatar milli oyışmalarınıñ, berläşkän oppozitsion köçlär belän qarşılıq aksiäsenä çığuında, milli mäs’älälär yata.

Аудіо

Ğalim häm publitsist Mäxmüt Äxmätcanov fikerlären işettegez.

Küptän tügel, Ufada bulıp uzğan Federal' tatar milli mädäni-moxtariäteneñ şura utırışında, Başqortstandağı wäzğıät şulay uq tikşerelde. M2xtäriätneñ qararınnan kürengänçä, anda milli oyışmalarnı häm Räximov xaqimiäten söyläşü öställärenä utırırğa çaqırıla. Läkin, möxtäriät çaqırsa da, Räximov xökümäte bik aşqınıp tormıy ikän. Yazuçı-ğalim, Fäwziä Bäyrämova, Tatarstannıñ bu oçraqta ni eşlärgä kiräklege xaqında uylana.

Аudio

Fäwziä Bäyrämov fikerlären işettegez.

Başqortstanda bara torğan waqiğalarğa qarata qayber tatar zıyalılarınıñ fikerläre menä şundıyraq.

Räfis Cämdixan .

XS
SM
MD
LG