İnğuşetiäneñ quat strukturası xezmätkärläre, febräldä urlanğan parlament deputatı Moğämed Çaxkievnı azat itkän. Respublikanıñ eçke eşlär ministrlığı raslawlarına qarağanda, Çeçnyä belän yıraq tügel çiktä tawlı urında maxsus operasia ütkärelgän. Totqarlanğannar da bar. İnğuşetiä prezidentı Murat Zyäziqov xatınınıñ ätise bulğan 72 yäşlek deputatnıñ sälämätlege qänäğätlänerlek. Çaxkievnı Nazrända üz öyennän yıraq bulmağan ber cirdä, qorallanğan keşelär, maşínasın tuqtatıp, şoferınıñ başına suğıp miñgerätkännän soñ, üzen urlap kitkän bulğannar.
