Accessibility links

сишәмбе, 6 декабрь 2016, Казан вакыты 19:05

Qazanda berençe tatar-törek diskätüge


Ölkännär may başında flaglar, plakatlar totıp mitinglarda qatnaşsalar yäki köräk-tırma totıp baqçada qazınsalar, yäşlär diskotekalarğa barıp sikerep biep küñel açunı qayğırta. Qazanda soñğı tapqır 1000gә yaqın yäşlärne cıyğan tatarça diskotekalarnı Bars Media şirkäte ütkärde. Bu atnada barlıq tatarça söyläwçe radiolardan reklamalanğan “Qızğan taba” diskätüge bulırğa tora. “Qızğan taba”- digän diskoteka 6 martta bulıp uzğan ide inde. Anı oyıştıruçı KDU nıñ jurnalistika häm sotsiologiä studentı di-djey Şäkert älege diskätükneñ mäydanın kiñäytergä uylıy. Çärşämbe kiçendä “Qızğan taba” başqaladağı tatarça diskätüklär arasında berençe tatar-törek diskotekası bulıp tanılaçaq. Oyıştıruçı Şäkert äytüençä 3 mayda Akterlar yortında kiçke 9 da bulası “Qızğan taba”dağı xalıqnıñ ber öleşe törek ir-yegetläre bulaçaq. Alar inde biletlarnı xäzerdän ük alıp quyğannar. Di-djey Şäkert KDUnıñ jurnalistiqa fakul'tetı studentı bularaq tatar jurnalistika bülege studentlarına yartı bäya quyğan. Şundıy uq taşlama Qıtaydan kilep Qazanda uquçı tatar studentlarına da bulaçaq. “Qızğan taba” da başqalada populyarlıq alğan pop, rok, rep yäş cırçıları säxnä totaçaq. Alar isä; İlgäräy, İlnaz Safiullin, Bulat Cihanşin, Sömbel Bilalova, Şäkür, repperçı “İttifaq” törkeme, alar üzläre belän ör-yaña yäp-yäş 4.20 törkemendä üzläre belän säxnägä alıp çığaçaq. Qunaqlarnıñ tağın berse ul da bulsa, şaw-şulı häm dä üzençälekle İlsöya Bädretdinova. “Qızğan taba”nıñ maxsus qunağı Törkiädän Dj ONUR, diskotekanı alıp bara Aysılu Leron häm “Yaña ğasır” radiosınıñ di-djee İlfar Kärimov. Berençe tatar-törek tusovkasında bik küp syurprizlar ; könçığış iyülläre, törek iyülläre, feyerverklar belän şou-tamaşa, qızıqlı konkurslar häm başqa tamaşalar kötelä. “Qızğan taba” 3 mayda super-puper yäşlärne häm qızu qanlı törek yegetlären sikertep bietäçäk. Qayçandır “Tatar radiosı”nıñ di-djee Zölfät Zinnurov “Küñel” tatar diskotekasın başlap cibärgän ide. “Küñel” älegä yabıldı , Zölfät diskotekanı däwam itärgä estafeta tayağın anıñ diskotekasında yäşlärne bietkän di-djey Şäkertkä tapşıra. Ä Şäkert isä üze ikençe isem belän başqa yunäleştäge tatar diskotekası başlıy. Kiläçäktä di-djey Şäkert “Qızğan taba”belän Tatarstannıñ rayonnarında milli disko-kiçälär başlap cibärergä cıyına. Röstäm İsxaqi

XS
SM
MD
LG