Accessibility links

якшәмбе, 4 декабрь 2016, Казан вакыты 19:31

Militsiä kösäytelgän rejimda eşläy


Respublika milisia xeźmätkärźäre 10 Mayğa tiklem kösäytelgän rejimda eşläyäsäk. Terrorğa qarşı Nabat operasiahı tamamlanha la möhim obyıqttarźan haq äle bulha alınmağan. Qalağa ingän häm sıqqan urındarźa la automat menän qorallanğan xärbiźärźe kürergä mömkin. Automobil tığındarı barlıqqa kilew säbäple milisia keşelär xäwefheźlege möhimeräk tip iźäpläy häm woditeldärźe bıl xälde tınıs qabul itergä saqırźı. Bayram köndärendä xalıq küpläp yıyılğan urındar ayırıusa haqlana. Profsoyuzdarźıñ 1 May uñayınan ütkärgän mitinğında la ike meñläp keşene milisia xeźmätkärźäre uratıp alğaynı. Här kemde metall tikşerewse qorolma aşa ütkärgäs kenä miting başlandı.

Militsia xeźmätkärźäre kemdeñ nindäy transporant menän kilewen dä yentekläp tikşerźe. Şulay źa ber äbey nisekter Başqortostan prezidentı häm Räsäy prezidentın otstavkağa tigän transporantın milisia aşa ütkärä alğaynı. Hönäri berlektär täw siratta eş xaqın kütärewźe, torlaqtı arzanaytıuźı, eş xaqtarı buyınsa burıstarźı tüläwźe talap itte. Profsoyuzdar federasiahı şurahı räyese, Räsäy yämäğät palatahı ağzahı Ämerxan Sämerxanov äytewensä, Başqortostanda räsmi xäkimiät xalıq aldında sotsial yawaplılıqtı toya häm bıl yähättän profsoyuzdar menän tığıź bäyläneştä eşläy. Şulay źa profsoyuzdar eş xaqtarı buyınsa burıstarźı tüläw mäsälähenä borsolow belderep, bıl yähättän eş artaban da dawam itäsäk tip belderźe.

XS
SM
MD
LG