Altayda distälärçä toraq cirlär su basu zonasında qalğan. “Azatlıq” radíosı korrespondentı Biyskiy şähärendä küplärçä yort su astında dip xäbär itä. Tözüçelär taşudan saqlağıç kirtälär torğıza. Yazğı taşu Altay ölkäse üzäge Barnawlğa da yanıy. Altay respublikasınıñ Turaçaq rayonında, köçle su basulardan ğädättän tış xäl iğlan itelgän. Lebed yılğasındağı su jide metr yarımğa kütärelgän. Küperne su alıp kitü säbäple, meñ yarım keşe yäşi torğan biş qäsäbägä yul yuq. Biyskiy şähärendä dä su taşudan qatlawlı vazgiat urnaşqan, biş meñ keşe su basqan cirlärdä qalğan. Ğädättän tış xällär ministrlığı mäğlümätlärenä qarağanda, Swerdlaw, Kirov, Woronec ölkälärendä küp kenä toraq urınnarnı su basqan.
