“Matrosskaya tişina” törmäsendä utıruçı, “YuKOS” şirkäte başqaruçı witse prezidentı Vasiliy Aleksanyan açlığın tuqtatqan. Anıñ advokatı Geworg Dangyan süzlärenä qarağanda, ul bu aksianeñ däwamında mäğnä kürmi. Aleksanyan üzen totqarlawğa mäxkämä aşa däğwä belderep, qarar çıqqanğa qädär açlıq totarğa niätlägän ide. Läkin doqumentta tözätäse urınnar bar dip, bu däğwäne tikşerüdän töşergännär. Baş prokuratura Aleksanyannı “Tomskneft” şirkäteneneñ 12 milliard rubldän artıq bäyägä mölkäten üzläşterüdä , şulay uq aqça yuuuda gäyepli. Aleksanyan üz gäyeben tanımıy.
