Accessibility links

шимбә, 3 декабрь 2016, Казан вакыты 14:37

Açıq mikrofon: Tatarstanda matbuğat irege citäme?


-Yuq şul! Tatarstanda matbuğat irege yuq. Bezdä basılğan yazmalarnıñ irekle matbuğatqa bernindi dä qatnaşı yuq.

-Buğenge basmalar pornografiä belän tulğan! Uqırlıq tügel alar. Şunısı borçıy.

-Tatarstan matbuğatı Rusiä külämendä irekle demokratik bularaq sanaldı. Bu xaqta prezident M.Şäymiev tä berniçä qat äytte. Läkin yıllar uzu belän, milli xäräkät eşe sürelü belän, xakimiät vertikale basımı astında bu mäs'älä beraz awıraydı. Ämma älegä jurnalistlarıbız üz fikeren, xakimiätkä bik qarşı fiker bulmasa, äytälär. “Tatarstan yäşläre”, “Watanım Tatarstan”, “Şähri Qazan” gäzitlärendä şulay.

-Minemçä, bezdä matbuğat irege bar. Respublikada barğan barlıq waqiğalar da kürsätelä. Şul buladır inde ul matbuğat irege häm demokratiä!

-Matbuğat irege berqayçan da citmi inde ul! Xakimiät matbuğatnı qısa. İrek ul kiñ mäğnägä iä. Matbuğat irekle bula almıy. Utopistlar äytkänçä, kommunizm çorında ireklelek bula ala. Xakimiätneñ ilgä, xalıqqa, anıñ baylığına, ğomumän dönyawi qaraşı bik törleçä häm ul berqayçan da här keşegä dä bertörle bula almıy. Şuña kürä inde bezdä dä matbuğat irege yuq dip äytä alam.

Al'bina Zäynulla

XS
SM
MD
LG