Accessibility links

дүшәмбе, 5 декабрь 2016, Казан вакыты 03:32

Zilä Wälieva: Bu kürgäzmäne Qazanda ğına kürep bula


Kürgäzmäne kürergä tezläwçelärgä mömkinle bar äle “Altın Urda: tarix häm mädäniät” isemle kürgäzmä üz eşen inde bu könnärdä tögällärgä tieş bulsa da, anı tağın ber atnağa ozaytqannar. Şunnan soñ bu kürgäzmäne näq xäzerge räweştägeçä kürü inde mömkin bulmas tösle. Bu xaqta TR Premyer-ministrı urınbasarı – mädäniät ministrı Zilä Wälieva

Bu unikal' kürgäzmä. Anı bezdä genä kürep bula. Bu kürgäzmäne oyıştıruda unlap muzey qatnaştı. 200 meñläp keşe buldı anda. Menä bügen ul konferensiä belän tämamlana. Häm konferensiädä Altın Urda berençe tapqır sivilizatsiä bularaq qarala.

Tatarstan xalqı da işelep kiler tösle ide uzğan yılda Ermitaj üzäge açılğaç. Läkin üzeñdä bulğan äyberneñ qädere şul xätle genä buğay. Qaydadır Peterburgqa yäki Mäskäwgä barıp qararğa yarata şul bezneñ xalıq. Anıñ qarawı çit illärdän häm Rusiä töbäklärennän küp ğalimnär qızıqsınıp kilgän. Tatarstannan çittä yäşäwçe ğadi xalıqta ta qızıqsınu uyatqan kürgäzmä. Bu xaqta “Qazan Kremle” däwlät muzey-tıyulığı citäkçese İldus Vaxitov

Monda Ul'yan, İjevsk häm Tatarstanğa kürşe bulğan barlıq töbäklärdän dä qatnaştılar. Uquçılar küp kilde. Ata-babalarıbız tarixı belän tanıştılar.

Çärşämbe könne açılğan konferensiädä fänni çığışlarğa nigezlängän ide. Anda Mäskäw, Ästerxan, Tübän Novgorod şähärlärennän, Londonnan ğalimnäre qatnaştı.

Ğalimnär yasağan çığışlar, ber yılğa yaqın eşlägän kürgäzmägä östämä buldı häm tağın da tulılandırıp cibärde.

Bilgele ki, tarixta äle tulısınça açılıp citmägän yaqlar şaqtıy. Mäsälän tatar-mongol yawı, yäğni tarixta bilgelängänçä iğo süze döres qullanılamı. Şuşı kürgäzmäne oyıştıruda yärdäm itkän Däwlät Ermitajınnan tarix fännäre doktorı Mark Kramarovskiy

Elek biç bulsa, xäzer iğo bularaq yazıla tarixta. Monı tikşerergä zarur. Läkin bu zur problema, monı bu konferensiädä genä xäl itep beterep bulmıy.

Konferensiä pänceşämbe könne däwam itäçäk. Ä 5нче mayda tatarlar tarixına bağışlanğan “tügäräk östäl” uzaçaq.

Landış Xarrasova

XS
SM
MD
LG