Accessibility links

җомга, 9 декабрь 2016, Казан вакыты 20:23

Samar cämäğätçelege “Azan” gäciteneñ çığuına 10 yıl tulunı bilgeläp uzdı


Samarda menä inde 10 yıl buyına “Azan” isemle gäcite dönya kürä. Şuşı un yılda “Azan” törleçä näşer itelep qaradı. Saf tatarça çıqqan könnäre dä buldı, qatnaş teldä materiallar birelep tä kilgäläde, soñğı yıllarda rus telle tatarlarğa yöz tottı.

“Azan”nıñ yubileyı da üzençälekle uzdı, Samar mädräsäse binasında. Yözgä yaqın qunaq çäy östäle tiräsendä “Azan”ğa bulğan mönäsäbätlären kürsättelär. Gubernator Titov isemennän kilgän täbriknamädä menä mondıy fikerlär bar.

10 yıl eçendä “Azan” gäcitçäse samaralılar öçen yaqın dusqa äylände, aqıllı kiñäşçegä äwerelde, islam dönyasına säyäxätçe wazifasın da aldı. Gäcitä Samar möselmannarınıñ härdaim yuldaşçısı, törki xalıqlarnıñ äydamanı, töbägebezdäge mädäni törlelekne bizäwçe basma. Gäcitä däwlät quyğan maqsatlarnı tormışqa aşıra.

Şähär türäse Georgiy Limanski qotlawında tübändäge fiker dä bar. “Azan” gäcitäse tatar mäxälläsen tuplawda köçen qızğanmıy, üz tamırların saqlawda, milli añ üsüdä eş alıp bara.

Samar Xalıqlar duslığı yortı direktorı Yevgeniä Nikulina üz täbrikläwendä gäcitäneñ ruxi kiñlegenä basım yasadı.

“Yaqtılıq” mäktäbe direktorı Xaridä Daşkina “Azan” gäcitäse üz uquçılarına mäğlümat birep kenä qalmıy, ä mäğrifätçe häm öyrätüçe sıyfatları buluına da basım yasadı.

Ä menä “Tuğan tel” isemle Samara ölkä tatar cämğiäte häm Samar şähäreneñ tatar milli- mädäni möxtäriäte yazğan teläknämädä mondıy fikerlär bar. Gäcitä xalıqlarnı qapma- qarşı quymıy, läkin dä bügenge çeterekle zamanada kilep çıqqan bäreleşle momentlarnı çişü yulların kürsätergä batırçılıq taba belä. “Azan” gäcitäse üzenä kürä milli basmalarnı üsterüçe ber oyağa äwerelde. “Azan” üz qanatı astında altı yıl elek başqort telendä “Irğız”nı çığarsa, öç yıl elek äzärilärneñ “Oçağ” gäcitäsenä yul açsa, qazaxlar turında daimi yazıp kilsä, bügen ul ukrainnarnıñ gäcitäsen çığaru östendä eş alıp bara. 10 yıl elek tatar eşquarı Zölfät Salaxov başlağan eş tuqtalmadı häm “Azan”nıñ yäşäwe yunäleşendä köç quyuçı Şamil Galimovqa häm xezmätkärlärenä räxmät belderälär tatar milli xäräkäte citäkçeläre.

Şamil Bahautdin, Samar.

XS
SM
MD
LG