Accessibility links

җомга, 9 декабрь 2016, Казан вакыты 12:44

Mamadışta yaña mädräsä tözeläçäk


Dini uqu yortlarında tınğısızlıq kürenä.Çallıdağı ''Yoldız'' mädräsäse yabılğannan soñ, anıñ urınına Rusiä İslam Universitetnıñ filialı açılıp, anıñ citäkçese itep Nurislam xäzrät bilgelängän ide. Soñğı waqıtlarda filialda qayber bäxäslärgä cirlek tudı, näticädä Nurislam xäzrät urınına yaña direktor bilgelände. Menä Qazandağı İslam uqu yortında da wazğiät qatlawlana bara.Şuşındıy küreneşlär barında soraw tua-alğa taba da dini uqu yortları, şul isäptän mädräsälär tözü mäslixätme? Alarnıñ kiläçäge bulırmı? Mamadış şähärendä mondıy uqu yortlarınıñ kiläçägenä ömet belän qarıylar.Çönki, monnan berniçä kön elek, biredä mädräsä tözeleşe başlandı. Xäyer, tözü digäne älegä cimerü belän bäyle. Çönki, rayon xakimiäte tarafınnan bülep birelgän cirdä uzğan ğasırnıñ 50нче yıllarında salınğan bina tora. Mäçetkä yörüçelär, Mamadış xalqı köçe belän şuşı iskergän, tuzğan yortnı sütü eşläre başlandı. Atna-un kön eçendä sütü eşläre tämam bulıp, mädräsägä nigez salınır digän teläktä toralar.

Mamadışta mädräsägä ixtiyäç barmı soñ? Biredäge mäçetneñ imam-xatıybı Nail xäzrät Vaxitov ''Azatlıqqa'' bolay dide;

-İxtıäc härwaqıt bar. Bezneñ xalıq ğasırlar buyı din sabağı belän tärbiälängän. Beraz çitläşülär buldı üze. Basım yasap äytäm, älege uqu yortın xalıq mädräsäse itep salırğa isäp totabız. Mädräsädä din sabaqları belän bergä yolalarıbıznı, ğöref-ğadätlärebezne dä öyräterbez.

-Nail xäzrät, mädräsälär tözelä. Läkin anı totu, idärä itü qıyınğa turı kilä başlağaç, yabılu oçraqları da bar bit. Mamadış bu mädräsäne ''күтәрә'' alırmı?

Küz qurqa, qul eşli di, xalıq. Xalıqqa döres tärbiä birä alsaq, mäçet-mädräsälärne yalbırğa mömkinlek tumas. Bolğar xalqı İslamnı qabul itkännän birle, din yortları xalıq cilkäsendä kilä. Bulırmı, yuqmı dip qurqıp torsaq, küpmeder buın tärbiäsez qalaçaq.

-Biredä xristiannar da yäşi, qarşılıq sizelmädeme?

Yuq. Moña qädär pravoslavnıy çirkäwe qarşında voskresnaya şkola açıldı. Bezdä ike din yünäleşendä eş alıp barıla.

Bu-Mamadış mäçete imam-xatıybı Nail xäzrät Vaxitov fikerläre buldı. Anıñ süzlärençä, mädräsägä äle isem birelmägän. Xalıq cisemgä qarap isem birä belä, anısı kiläçäk eşe- dide. Şuşı rayon belän kürşelär bulğan Alabuğada, Balıq bistäsendä, Teläçedä mädräsälär yuq. Ä menä Kukmara kürşelärendä eşli.

Ğafiulla Ğaziz,Çallı

XS
SM
MD
LG