Accessibility links

пәнҗешәмбе, 8 декабрь 2016, Казан вакыты 09:06

Cheney Rusiäne demokratik qazanışlardan çigenüdä ğäyepli


AQŞ vitse prezidentı Dick Cheney Rusiäne komunizm çorınnan soñğı demokratik qazanışlardan çigenergä mataşuda ğäyepläde. Vilnüsta Baltıyq häm Qara diñgez buyı däwlätläre citäkçeläre cıyınında Cheney "Bügen Rusiädä reformalarğa qarşı çığuçılar soñğı 10 yıldağı qazanışlardan çigenü öçen tırışa. Sivil cämğiätneñ törle ölkälärendä, din häm kiñküläm mäğlümät çaralarınnan alıp advokatlar törkemnäre, säyäsi firqälärgä qädär xökümät ğädelsez häm tieşsez räweştä keşelärneñ xoquqların çikläde. Rusiä xökümäteneñ başqa ğämälläre dä tiskäre näticäle bulıp kilä häm bu başqa illär belän mönäsäbätlärgä dä tä'sir itä başlarğa mömkin" dide. Şul uq waqıtta Cheney Waşington Rusiä doşmanğa äwereläçäk dip isäplämi dide. Cheney Belarus prezidentı Aleksandr Lukaşenkonıñ autokrat xökümätenä Yewropada urın yuq dide. Ul Lukaşenkoğa protest çaraları ütkärän öçen törmägä yabılğan oppozitsiä citäkçege Alyaksandr Milinkeviçnı häm oppozitsiäneñ başqa äğzaların azat itärgä çaqırdı. Litva başqalasında ütüçe Urtaq kürşelekkä urtaq qaraş dip atalğan bu cıyında Yewropa Berlegeneñ häm NATOnıñ qayber yaña äğzaları häm alarnıñ kürşeläre qatnaşa.

XS
SM
MD
LG