Keşe xoquqların yaqlawçı xalıqara oyışma Human Rights Watch Äfğänstan prezidentı Xämir Qarzaiğa möräcäğät itep mäğlüm xoquq bozuçılarnı häm qorallı törkem citäkçelären töbäklärdäge politsiä başlığı itep quymasqa çaqırdı.
Aldağı könnärdä Qarzai Äfğänstannıñ barlıq 34 wilayätendä politsiä başlıqların bilgeläp quyaçaq.
Human Rights Watchnıñ Asiä bülege mödire Brad Adams Azatlıq radiosına Qarzainıñ ildäge qayber iñ köçle qorallı törkem citäkçeläre belän politsiä wazıyfaları turında satulaşu mömkinlegen kürsätüçe işarälär bar dide.
"Xäzer Qarzainıñ ildä tärtip urnaştıru öçen politsiä citäkçeläre itep yä professional politsiä xezmätkärlären häm keşe xoquqların bozğan qorallı törkem citäkçelären häm alarnıñ yardämçelären saylaw mömkinlege bar"di Adams.
Bügen Azatlıq radiosınıñ bu turıda fiker beleşü öçen Qarzai idaräse belän elemtägä kerü tırışlıqları uñay näticä birmäde.
