Accessibility links

шимбә, 10 декабрь 2016, Казан вакыты 02:21

Törkiä xärbiläre Tönyaq Ğiraqta xäräkät itülären tanıdı


Bu atnada General ştab Operatsiälär Başlığı general polkovnik Bekir Kalyoncu hem General ştab generalnıy sekretarı general leytnant Sabri Demirezen belen 2-nçe, 3-nçe armiälärneñ cawaplı ofitserları jurnalistlarğa könyaq-köncığıştağı xärbi operatsiälär turında mäğlümät birdelär. Şuşı cıylıştan Törek Qorallı Köçläreneñ (TQK) PKK artınnan Ğıyraq cigen dä ütep kerüwe mäğlüm buldı. Jurnalistlarğa TQK-neñ ilneñ berdämlegen saqlaw öçen barlıq qurqınıçlarğa qarşı köräşen, operatsiälären däwam itte häm monnan soñ da däwam itäçäk digän pozitsiäse añlatılğan. TQK ciklärdäge imenlekne tämin itü, teror belän suğışnı däwam itterüne qanunnar belän birelgän cawaplılıq ramlarında alıp bara ikän.

Monnan tış ayruça Törek gäskäreneñ Tönyaq Ğıyraqta buluwı yäşeren ber fakt tügel. TQK-neñ qayber bülekläre anda tora. Teror oyışması şuşı rayonda ni xätle qalsa TQK-e dä şul xätle biredä qalaçaq dip jurnalistlarğa añlatıldı. “Radikal” gazetasınn 3 May sanında AQŞ-nıñ Ankaradağı Böyek ilçese Ross Wilson Tönyaq Ğıyraqta Törek ğäskäreneñ buluwına üzläre dä Ğıyraq xökümäte dä rizasızlıq beldermi dip äytkän buluwı turında yazdı. Tışqı Eşlär Ministere Abdullah Gül dä ber televiziä programasında “bez ciklärne saqlıybız, şulay itep Ğıyraqnıñ imenlegen dä tämin itäbez. Ğıyraq üz imenlek köçlären maydanğa kitergänçegä xätle bez tieşle çaralarnı küräçäkbez, Ğıyraq belän barlıq añlaşmawçınlıqlar xäl itelde” dip äytte.

Ğıyraq Törkiägä Tönyaq Ğıyraqqa qarata başlatılğan TQK-neñ xärbi operatsiäse säbäple protest notası birgän ide. “Sabah” gazetasınnan Aslı Aydıntaşbaşnıñ yazuwıça Ankarağa vizit yasağan AQŞ Tışqı Eşlär Ministere Condoleezza Ricenıñ mäsälägä tıqşınuwı belän şuşı nota 48 säğat eçendä kire alınğan. Ricenıñ bu adımına, ütkän yılda ber törkem Törek ofitserın saq astına alğan AQŞ ğäskärläreneñ alarnıñ başın qapçıqa kertküwe arqılı Törkiädä xasıyl bula başlağan anti-amerikanizmnı beterü öçen bögelüçänlek kürsätü digän bäyä birergä mömkin. PKK belän köräş mäsäläse Törkiäneñ möhim problemalarınnan bersen täşkil itä.

Şulay Millätçe Xäräkät Partiäse citäkçese Devlet Bahçeli 3 May Törekçelär Köne uñayı belän yasağan belderüwendä: “Törkiäneñ bugenge köndä ike töp probleması bar: berençese - terorizmdan azıq alğan etnik seperatizm probleması, ikençese - bolarnı därtländergän AK partiä probleması” dip äytte.

PKK häm añarğa bäyä birü mäsäläsendä säyäsi platformda da ber ızğış köntärtibenä mende. Parlamentta 22 deputtaqa iä Anavatan Partiäse liderı Erkan Mumcunıñ PKK partizannarı turında alar gerilla digän bäyä birüwe säbäple deputat Emin Şirin partiädän ayrıldı. Ul “min teroristlarnı bolay dip bäyälägän ber säyäsi partiäeneñ ağzası bula almıym” digän. Mäğlüm PKK kebek rejimğa qarşı qorallı köräş alıp baruçalarğa här ber däwlät, üz mänfağäte noqtasınnan çığıp törleçä terminolgiälär qullana. Kemenä kürä” ireklek suğışçısı”, “qarşılıq kürsätüçe”, kemenä kürä “seperatist” yaki “terorist” bula. PKK Törkiä tarafınnan ğına tügel, ä AQŞ häm AB illäre tarafınnan da teror oyışması dip bäyälänä.

* * *

Bu atnada iğlan itelgän inflatsiä sannarı Törkiädä uñaysızlıq xasıyl itte. Çönki töşü tendensiäsendäge inflatsiä ütkän Aprel ayında üsä başlağan. Şuña kürä yıllıq isäp buyınça waqlap satıp aluda inflatsiä 8,1 protsent bulğan.

Äxtäm İbrahim, İstanbul
XS
SM
MD
LG