Accessibility links

җомга, 2 декабрь 2016, Казан вакыты 22:55

Suğış veterannarına bıyıl nindi iğtibar kürsätelä ?


Bıyıl 9 mayda İkençe bötendönya suğışı tämamlanuğa 61 yıl tula. Bu tügäräk san bulmaça da, suğış veterannarına bağışlanğan çaralar ğädättägeçä 10 mayğa qädär ütkärelä. Respublikada xäzer 250 meñgä yaqın suğış veterannarı bar.

Bıyıl veterannar xörmätenä respublikada nindi çaralar ütkärelä soñ ? Tatarstan sotsial' yaqlaw ministrı yärdämçese Ence Мinhaceva Azatlıqqa bu xaqta menä närsälär dide:

6 Mayda Tatarstan prezidentı Mintimer Şäymiev 55 suğış veterannarın qabul itä. Şulay uq bıyıl bäyrämne ütkärüdä barlıq rayon , şähärlär külämendä cirle xakimiätlär üzläreneñ veterannarı belän oçraşular ütkärälär, büläklär birälär . Här rayonda här munitsipal' berämlektä keçkenä genä rizıq küçtänäçläre birelä. Qazan da bik küp salonnar , ostaxanälär 50-30-10:% taşlama belän ayaq kiemnären tözätäçäklär, çäç kisterü, munça kerü kebek yärdäm kürsäteläçäk.

Federal' byudjettan ber qayçan da büläklär birelmäde. Bıltır respublikadan suğış invalidlarına pensiägä quşıp 1мең sum aqça birgän idek häm yıldağıça rizıq küçtänäçläre birdek.

Sez , Tatarstan sotsial' yaqlaw ministrı yärdämçese Ence Minhacevanı tıñladığız.

Bıyıl da şulay uq muzeylarda kürgäzmälär açıla, mäktäplärdä, klublarda balalarnıñ veterannar belän oçraşuı ütkärelä. Menä şundıy çaralarnıñ berse Qazan şähäreneñ Sovet rayonında “Säydäş” mädäni üzägendä buldı.

Säydäş üzägeneñ “Miras” ädäbi klubında xärbi- diñgez flotı veterannar ansamblendä 13 keşe. Alar - suğış waqıtında 14-15 yäşlek yäşüsmer bulğannar. Häm Baltiq, Barens diñgezlärendä yäş yunga mäktäbendä uqığannar. Alarğa Koreya yaqlarında da suğışırğa turı kilgän. Suğıştan soñ alar Qazanğa qaytqannar. 1998 yılda Säydäş mädäni üzägendä üzläreneñ xärbi- diñgez flot ansamblen oyıştıralar. Alarnıñ berniçäse bu könnärdä Säydäş üzägendä 121мәктәп balaları belän oçraştı.

Xäzer bu oçraşu turında “Miras” ädäbi klubın alıp baruçı Nailä Bikmeevanı tıñlağız. “ Ul babaylarğa xäzer 75-80 yäş . Alar bik matur itep cırladılar. “Yabloçko”köyenä moryaklar biyüen biedelär. Suğış waqıtında Kronştadta bulğannarı turında anda nilär kürgännäre turında balalarğa söylädelär . Balalar bik qänäğät bulıp qaldılar . Alarnıñ härbersenä “Säydäş” klubınnan kitaplar büläk ittek”,-dide ul .

Mondıy çaralarda qatnaşqan babaylar 250 meñläp veterannarnıñ unnan, yegermedän beren genä täşkil itä. Distälärçä meñ keşe bu könnärdä tağın küz yäşläre aşa bäyräm itä, xörmät- iğtibar kötä.

Mälikä Basıyr , Qazan .

XS
SM
MD
LG