Accessibility links

якшәмбе, 4 декабрь 2016, Казан вакыты 04:59

Ayrat Dilmöxämätovqa xökem qararı iğlan itelde


Comğa könne Ufa şähäreneñ Kirov rayonı mäxkämäse, nihayät, ber yılğa yaqın däwam itkän utırışlardan soñ, Başqortstan oppozitsiäse wäkilläreneñ berse, Başqort milli xäräkäte citäkçese Ayrat Dilmöxämätovqa qarata xökem qararı çığardı. Mirovoy sud'ya Räsimä Nasıyrovanıñ qararına yaraşlı, Ayrat Dilmöxämätov şartlı räweştä ber yılğa iregennän mäxrüm itelä. Ämma öç yıl sınaw möddäte şartı belän genä şundıy yomşaq xökem qararı çığarıluı äytelä. Annan soñ Ayrat Dilmöxämätovnıñ ğailäsendä öç yäş bala tärbiälänüen dä isäpkä alğan ikän xökemdarlar.

Törmä cäzası birelmäsä dä, Ayrat Dilmöxämätov üzen bötenläy dä ğäyepsez sanıy häm mäxkämä qararı belän kileşmi. Anıñ advokatı İlnur Sälimcanov ta Kirov rayonı mäxkämäse qararın Rusiä federal' mäxkämäsendä däğwälarğa cıyınuın äytte.

İsegezgä töşerep ütäbez, başqort milli xäräkäte liderlarınıñ berse, respublika oppozitsiä köçläre wäkile Ayrat Dilmöxämätovnı monnan ber yıl elek mäxkämägä birgännär ide. Anı Başqortstan xakimiätlären qatı tänqitlägäne häm alarnı köç qullanu yulı belän xakimiättän töşerügä çaqıruda ğäyeplädelär.

Äle yañaraq, 27 aprel' könne Ayrat Dilmöxämätovnı Başqortstan İminlek xezmätkärläre tağın qulğa aldı häm kön buyı soraw alu oyıştırdı. Şul könne Ayrat äfände Ufada oyıştırılğan oppozitsiä mitingında çığış yasarğa tieş ide.

XS
SM
MD
LG