Accessibility links

җомга, 9 декабрь 2016, Казан вакыты 22:18

Başqortstan Milli yäşlär teatrı säxnäsendä - Tufan Miñnullin äsäre


Başqortstannıñ Mostay Kärim isemendäge Milli yäşlär teatrı üz tamaşaçılarına yaña premyera äzerläde. Bu yulı yäş artistlar kürenekle tatar dramaturgı Tufan Miñnullinnıñ “Diläfrüzgä dürt kiäw” p'yesasın säxnäläşterde. Tufan Miñnullinnıñ küp teatrlar säxnälärendä şawlap-görläp barğan bu äsären Başqortstannıñ Milli yäşlär teatrınıñ yäş rejisserı İlnur Mullabaev säxnägä quydı.

Spektakl'dä töp rol'ne teatrnıñ iñ yäş, iñ çibär aktrisası Gölşat Ğaysina başqara. Başqa rol'lärgä şulay uq teatrnıñ talantlı yäşläre Vener Kamalov, Läysän Räximova, Rämzil Sälmänov, Näğim Nurğalin, İlsur Xäbirov häm başqalar cälep itelgän.

“Diläfrüzgä dürt kiäw” spektakleneñ premyerasın qararğa Ufağa äsärneñ avtorı Tufan ağa Miñnullin üze dä kilde. Tamaşanı qarağaç, ul anıñ bik uñışlı kilep çığuın äytte. “Rejissernıñ eşe dä, artistlarnıñ uynawı da yuğarı hönäri ostalıqta, - di Tufan ağa. - Yäşlär teatrınıñ binası da bik matur ikän. İcat itü öçen böten mömkinleklär bar”.

Ufada, Başqortstan Milli yäşlär teatrında anıñ “Diläfrüzgä dürt kiäw” äsäre säxnäläşterelde. Anıñ premyerasına Tufan Miñnullin üze dä kilde.

Fänis Fätxi, Ufa

XS
SM
MD
LG